بۆنەو ڕۊو جە ئەڎابیەو رابەروو گەلوو کوردی عەبدووڵا ئۆجالانیۆ جە گرازی نەمساینە مەراسیمێوە سازکریا و چنەشەنە پەی بەشداربیەی جە چالاکی ئێشکگیری ۋەروودەم و سی پی تی-نە جە ما بەینوو ١٥-١٩و نیسانی ستراسبورگەنە، بانگەواز ئەرەیاۋییا.
شاروو گرازی نەمساینە بۆنەو ٤و نیسانی ڕۊو جە ئەڎابیەو رابەروو گەلوو کوردی عەبدووڵا ئۆجالانیۆ مەراسیمێوە مبارەکبایی سازکریا.
مەراسیمەکە بە دەیەقېوە بێدەنگی پەی حورمەت گېرتەی جە یاڎوو گەشمەرڎا دەسشپنەکەرد. چا وتارانە کە پێشکەش کریۍ باس چانەی کریا، کە ڕۊو جە ئەڎابیەو عەبدوڵا ئۆجالانی ڕۊو ژیۋایۆ گەلوو کوردین. حەرپاسە جگە جە بانگەوازی پەی فراوانتەرکەردەی هەڵمەتەو 'ئازاڎیی پەی عەبدوڵا ئۆجالانی، چارەسەری سیاسی پەی پرسوو کوردی' داواکریا کە بەشداری جە ئێشکگیری ۋەروو دەموو سی پی تی-نە بکریۆ، کە قەرارا جە ڕووانوو ١٥-١٩و نیسانی شاروو ستراسبۊرگینە ۋەروو دەم و سی پی تی-نە بلۆڕاوە.
جە مەراسیمەکەنە بەردەوام دروشمەو 'بژیۋۆ سەرۆک ئاپۆ'ی وچیېوە و مبارەکباییەکە بە گۊشگېرتەی جە مۊسیقای و گۆرانیۍ دمایش پنە ئاما.
