دەگاو شاپاتانو شەمزینانو جولەمێرگینە، فشارو پۆلیسی و هێزە تایبەتەکاو تورکی سەرو گەلی بەردەواما. دیمەنێونە کە هاموەڵاتێ تۆمار کەردەن، پۆلیسو هێزە تایبەتەکا بە ماسکۆ بە نامێ کۆنتڕۆڵی کۆکەردەیۆ زانیاریی گردینیوە (جی بی تی) مینی پاسێو مردنا و وەڵی کەردەی (جی بی تی)ینە گەرەکشا بییەن سەیارەکەیشا وشکنا. وەروو ئانەیە سەرنشیناو سەیارەکەی ناڕەزایەتییشا بەروستەن، پۆلیسەکێ هەڕەشێ و سووکایەتییشا پەنە کەردێنێ.  بەرمگنۆ کە سەروازاو تورکی "هەڕەشێ کوشتەی" وەنەو هاموەڵاتا کەرا و چندین جارێ تەقە وەنەو ئانیشا مکەرا، کە گەرەکشا نیا سەیارەکانە بوەزارە. هەرپاسە زانییان، سەروازەکێ هەڕەشێشا کەردێنە"گولەوارانێتا مکەرمێ و مکوشمێتا".

"گەلو شەمزینانی سەرە مەکۆمنۆرە"

پەرلەمانتارو دەم پارتی، ئۆزنور باروتەی سەرو هەژمارو وێشۆ تۆڕە کۆمەڵایەتییەکانە واتش، ئینە چندین جارێن هەمان یاگنە ئی ستەمەیە  دووبارە  مکەراوە، کەشوهەواو تۆقنای بییەن بناغەو دەسەڵاتی، واتش: "پێسە دیمەنەکانە موینیۆ، ژەنی و گەنجێ و گەلو شەمزینانی، وەراوەرو هیچ سەپنای و ستەم و زۆرداریێونە سەرەش نەکۆمنانرە و هەرگیز  مەکۆمنۆشرە".