بە بۊنەو ٤٥ـەمین ساڵوەگێڵوو ئەرەمەرزنای پەکەکەیۊ، وەلید دنگلی ئەندامو مەجلیسو ڕاوەبەریی پارتی یۊبییەی دیموکرات (پەیەدە)ی سەبارەت بە ساڵاو ئەوەڵوو ئەرەمەرزنای پەکەکەی و چالاکییەکاو ئا سەرڎەمەیە پەی ئاژانسوو فوراتی قسێش کەرڎۍ.  

وەلید دنگلی ماچۊ "جە ٢٧و تشرینو دووەمو ساڵەو ١٩٧٨ سەرەورڎای شۊڕشگێڵنیشا کاریگەریی فرەش سەروو وەرکەوتوو دلێراسەی کەرد و بی مایۍ ژیوایۊی تازەی، وەڵۍ ساڵەو ١٩٧٨ شۊڕش جە چوار پارچەو کوردستای لاواز بی، پەوکای ٢٧و تشرینو دووەمی شۊڕشێوە گەورەن."

جە درێژەو قسەکاشنە وەلید دنگلی واتش:"ڕابەر عەبدوڵا ئۊجالان ئی شۊڕشگێڵنە گەورێشە بە پەروەرڎە ئامادۍ کەرڎۍ. ئی شۊڕشگێڵنە گەورۍ هەر ئەوەڵۊ گەورەتەرین سەرچەمەو ئیرادەی، مدرامانی و کۊشیای بیۍ پەی گەلوو کوردی. ویرۊکەو ڕابەر عەبدوڵا ئۊجالانی ئیساتۍ جیهاننە بەرەو سەرکەوتەی ملۊ، هەرچندە سەرمایەداری کاریگەرییش سەروو گلێرگەیۊ هەن و گلێرگەش جە سروشتوو وێش دوور وستەنۊ، وەلۍ ڕابەر ئاپۊ، ڕاسیی سیاسەتوو دلێنەبەرڎەی  گلێرگەیش پەی ڕۊشن بیۊ  و کۊشیایێوە گەورەش  دژ دەس پەنە کەرد."

وەلید دنگلی باسوو ئاهەنگەکاو ٢٧و تشرینو دووەموو وەرنیشتوو کوردستانیش کەرد و واتش:" وەرنیشتوو کوردستانینە ئی ڕوە لاو حکومەتوو دیمەشقیوە قەدەغە کریا، وەلۍ کەسایەتییە وەڵاتپارێزنەکۍ، کە دلۍ خەباتینە هەرمانە کەرێنۍ، چا وەختۊ هەرساڵۍ بەنهێنی کۊبیەیۊ کریۍ ئاڵاو پەکەکەی سەروو مێزێوە نریێرە و هامرێوە ماناو ٢٧و تشرینو دووەمیما پەی ڕۊشن کەرێوە، شۊڕش وەرنیشتەنە  پێسە دەس پەنە کەرد، وەختوومەبارەکباییە گەورەکانە هێزەکاو حکومەتوو دیمەشقی زوو ئێنۍ و بڕۍ هامڕۍ گێرێنۍ، بۊنەو ئی تەرساوە، مەبارەکباییەکۍ فرەتەر بە کۊبییەیوە و پەروەرڎە کریێنۍ."

وەلید دنگلی ئاخروو قسەکاشەنە سەرنجەش پەی کاریگەریی پەکەکەی سەروو کەسایەتیی وێش کێشت و واتش:"لە زانکۊکاو حکومەتوو دیمەشقینە ڕاگێریما وەنە کریۍ، وەڵۍ پەکەکەینە فرە لایەنۍ تەرۍ بێنۍ، وەلۍ من  بەشدارشا نەبییا، وەلۍ ساڵەو ١٩٨٦ینە کە ویرۊکەو پەکەکەیم شناسا، کاریگەریی فرەش سەرمۊ نیارە پەوکای پەکەکە تەنیا پەی گەلوو کوردی  جەنگ مەکەرۊ، بەڵکوم پەی گردوو گەلا و جیهانێوە یەکسانی و نەتەوێوە دیموکراتیکی کۊشیۊ، ویرۊکەکە کە پەکەکە پەیش کۊشیۊ، هامسەنگی جیهانەنە وزۊ هەرمانە، نەوەکاو دماو ئێمە مشۊم هەمیشە ویرشا بۊ، کە پەکەکە پارتێوە گەورەن و ئا کەسۍ دەسشا پی کۊشیایە کەرڎەن، شۊڕشگێڵنۍ ڕاو ڕاسی و حەقێقەتینۍ."