گەلوو کامپو پەنابەرا گەشمەرڏە ڕۆستەم جوودی (مەخموور)، دژو گەمارۆی و ئابڵوقەو سەر و کامپەکەی، هەرپاسە باڵبەسکەردە و شاندێوە، کە بە نامێ خەڵکیۆ لوێ بێنێ پەی گلێرۆبییەی جە بەغا و دماتەر باڵبەسکریێنێ بەردەوامێنێ جە بەربڕییە و ناڕەزایەتی.

دەسەڵاتدارا عێراقی ئەرەیاونابێشا، ئەندامێ ئا شاندەی، کە جە ١٥ـو مانگێنە پەی گلێرۆبییەی لوێ بێنێ ئازادێ کریانە، بەڵام دەسەڵاتدارێ قەولشا نەبەرد سەر، چا چوارچێوەنە، وەرو ئانەی ئەنداما شاندەکەی ئازادێ نەکریێ، وەردەمو خاڵە و وشکنای هێزەکا عێراقی جەلایەنو گەلیۆ چادرە هوردریا.

چالاکییەکەو گەلوو مەخمووری، ئارۆ  جە ڕۆو ششەمینە بە قەراردارییۆ بەردەواما.

هەرپاسە هێزەکێ عێراقی، بە بەراورد بە وەڵینی جە خاڵە و وسکنای جموجۆڵ و ژمارەو هێزەکا وێش زیا کەردەن.

یاگێ ئاماژەینە، جە ١٠ـو نیسانیۆ حکومەتو عێراقی گەمارۆی تنش سەپنان سەرو کامپو مەخمووریرە و ڕا مەڏۆنە کەرەسە و بیناسازی بریۆنە پەی کامپەکەی و هەرپاسە ڕا مەڏۆنە کرێکارێ بلانە پەی بەغای پەی هەرمان کەردەی، بە مەڵامەتو ئانەیش شاندێوە بە نامێ خەڵکیۆ ڕووەشا کەردێنە بەغا و ڕۆو ١٤ـو ئی مانگێ کاتو گێڵایشاوە جە خاڵە و بەرشییە و بەغاینە ڕەشبگیرییشا وەراوەر ئەنجامدریان