جە ئەنداماو کۆنگرەو ١٢ـەمینو پەکەکەی زۆزان چەولیگە باسش چانەی کەرڎ ئەوەکۊشای ئازادی ژەنا کوردی نمەکریۆ بۍ پارېزنای مەنۊوە و واتش: "جە ئیساتێنە ژەنی ڕوبەڕوو قڕکەردەی بیێنێوە. جە ۋەرا ۋەرو ئینەینە کەس نمەتاوۆ ڕا جە ئەوەکۊشای ئازادی ژەنا گێرۆ."
کۆنگرەو ١٢ـەمینو پەکەکەی جە ٥-٧و ئایارینە ئەنجام دریا و ئەنجام و قەرارە وەرگیریاکێش پەی ڕای گرڎیی ئاشکرا کریۍ.
جە ئەنداما کۆنگرەی زۆزان چەولیگە جە کۆنگرەکەنە ئی هۊرسەنگنایێشە کەرڎۍ:
"پېسە تەڤگەرو ژەنا و ژەنا کوردی فرە بە شانسێنمۍ کە ڕابەرایەتی بنەما و هێزو ئەوەکۊشایمانە، ڕابەر ئاپۆ نەک بە تەنیا پەی پرسو کوردی، هامکات پەی پرسێوە پەنج هەزار ساڵەی هەوڵش دا. ڕابەر ئاپۆ جە کەسایەتی ژەنێنە ئینەی پێناسە مکەرۆ؛ ژیۋایش وەشکەرڎەن، سەرمەشقایەتی گلېرگەیش کەرڎ، نانش پېڎا کەرڎ کەچی ژەنی ئارۊنە بێ نان مەنێنۆ. ئارۊنە پیا سالاری بە سیاسەت و جەنگ گرڎو مېڎانەکا ژیۋاو ژەنێش سەرکووت کەرڎەن.
'ئیمکانو ئازادیما پېوەسا بە ئازادی ڕابەر ئاپۆیۆ'
ڕابەر ئاپۆ جە کەسایەتی ژەنانە بیەی و ئشناسنامە و زانستش ئارڎ ئاراوە. پېسە گەلو کوردی و ژەنا کوردی ئایدۆلۆژیاو ڕابەر ئاپۆی پېسە ئشناسنامەی و ئازادی ۋێما موینمۍ. پېسە تەڤگەرو ژەنا چینەینە ڕۆشنێنمۍ. پېسە هێزو پارېزنای ژەنا ڕۊشنێنمۍ. ڕزگاربیەیما بە ئازادی ڕابەر ئاپۆیۆ ڕاش شیێنەنە. پارێزنای هێڵۊو ڕابەر ئاپۆی پارېزنای هێڵۊو ئازادی ژەنێن. گرڎما مزانمۍ ئازادی ئەوەکۊشای ژەنا گەرەنتی سەروستەی هێڵۊو ڕابەر ئاپۆی، گلېرگەی دیموکراتیک، پارېزنای گەلو کوردی و گلېرگەو کوردین، گەرەنتی پارېزنای خودو ژەنان.
'مېیانو ئەوەکۊشایما ڕابەر ئاپۆن'
ڕابەر ئاپۆ هۆشمەندیی، ڕێکوستەی و ئازادی ژەنێش وەڵۍ وست. پئېسە ژەنێوە ئەر ئینسان هۆشمەندی ژەنۍ جە کەسایەتی ۋێشەنە ئاوابکەرۆ، ئانە جە گرڎ کەسۍ زیاتەر خاوەنداری چیئەوەکۊشای مکەرۆ. پېسە هێزو پارېزنای ژەنایچ متاوو ئینەی واچو مېیانو ئەوەکۊشایما ڕابەر ئاپۆن. چی مژارەنە حیچ گومان و دووە دڵیێوە نییا. هێزو ۋێما جە ڕابەر ئاپۆیۆ هۊرگېرمۍ. جە ئیساتێنە ژەنی ڕوبەڕوو بە قڕکەردەینۍ. دژو ئینەیچ کەس نمەتاوۆ ڕا جە ئەوەکۊشای ئازادی ژەنۍ گێرۆ. چونکی هۆشمەندی ئازادی ژەنۍ وەشبیەن، ژەنی عال مزانا ئازادی بێ پارېزنای نمەبۆ."
