جە چوارچوەو کەمپینوو "ئازادیی پەی ئۆجالانی و چارەسەری سیاسی پەی پەرسەو کوردی" کە جە ١٠و تشرینوو یوەموو ساڵێ ویەردێوە سەرتاسەروو جیهانینە دەسش پەنە کەردەن، ١٠و کانوونوو یوەموو ٢٠٢٣ هەڵمەتەکاو وانایۆ کتێبەکاو ڕابەروو گەلوو کوردی عەبدوڵا ئۆجالانیچ چندین وەڵاتێنە  لوێ ڕاوە، سلێمانیچەنە هەڵمەتێوە هامشێوە دەسش پەنە کەرد.

هەڵمەتەکەێنە، چند بەشێوە کتێبەکاو عەبدوڵا ئۆجالانی ونیاوە و قسێشا سەر کریۆ، هاموەخت داواو ئازادیی جەسەیی ڕابەروو گەلوو کوردی کریۆ.  

ڕۆو جومعەی، پارکوو ئازادیی شاروو سلێمانیینە، هەڵمەتەو وانایۆ کتێبەکاو عەبدوڵا ئۆجالانی، بە بەشداری وانەرا، ڕۆشنویرا و چالاکا دەسش پەنە کەرد.

هەڵمەتەکێ، شاروو سلێمانیینە ئارۆ دەسش پەنە کەرد و بە وانایۆ حەریۆ جە کتێبەکاو (سۆسیۆلۆژیای ئازاد، چەنی بژیومێ، وەرگێرینامەو ئینسانی ئازادی، پەرسەو کەسایەتیی کوردستاننە، حەرپەنج بەرگەکەو مانیفستۆو شارستانێتی دیموکراتیکی و چندین کتێبێ تەرێ) درێژە کێشۆ.

ماوەو زیاتەر جە ٣٤ مانگان، ڕابەروو گەلوو کوردی عەبدوڵا ئۆجالان، گۆشەگیریێوە تند دژشنە هەن و ڕا بە پارێزنەر و خانەوادەکەیش مەدریۆ سەرش بدا،  ئینەیچ کاردایۆش جیهانەنە وەش کەردەن و بەمەبەستوو ماڕای گۆشەگیریی ڕەهای و دەسەبەرکەردەی ئازادیی جەستەیی عەبدوڵا ئۆجالانی چندین چالاکیی و هەڵمەتێ جیاجییێنە سەرتاسەروو جیهانینە بەردەوامێنێ.