٤٥ـەمین ساڵیادو ئەرەمەرزنای پەکەکەی ئارۆ جە کۆمەڵگەی گردینو ماریاناو شارو سڵیمانینە بە بەشداریی پەنابەراو وەرنیشتو کوردستانی و خەڵکو سلێمانیی بە جۆشوخرۆشۆ مەبارەکە کریا.

ئاهەنگو مەبارەکییەکەی بە دەیەقێوە ڕێزگێرتەی جە گیانی پاکو گەشمەرداو تەڤگەرو ئازادیی کوردستانی دەسش پەنە کەرد. دماتەر گرووپو ورپڕای زارۆڵاو وەرنیشتو کوردستانی لوێ سەرو سەکۆی و بەرهەمەکەشا پێشکەش کەرد. دماو گرووپو ورپڕای زارۆڵا، گرووپی هۆنەرو نیسیاری بە گۆرانییەکاشا جۆشوخرۆششا وست بە ئاهەنگەکەی.

دمادمایی ئاهەنگەکەینە گرووپو ورپڕای گەنجا لوێ سەرو سەکۆکەی و بەرهەمەکەشا پێشکەش کەرد. هەرپاسە شیرینیی ٤٥ـەمین ساڵیادو ئەرەمەرزنای پەکەکەی وریاوە.

ئاهەنگو مەبارەکباییەکەی بە گۆرانییەکاو هونەرمەند ئەحمەد کۆبانی و ڕەڤین ئاراس تا دێرێ بەدەوام بی، ئاهەنگو مەبارەکباییەکەی بە ورپڕای دماییش ئاما.