سەرچەمەو شارو ڕەوانسەری سەر بە هەرێمو هەوراماناتی، بەهۆکارگەلێ چوون، کەم ڤارانی و وشکەساڵی سات بەسات ڕوو بە وشکبیەیەن. جە ئیسەنە ئاۋەو سەرچەمەکەی سەڎەنە ٩٠ کەمش کەردەن و ئەگەریچ هەن تا دلێڕاسی هامنی بەتەمامەتی وشوشکایش بەیۆنە. بە ئی جۆرە ئینە یەکەمین جارەن جە دمای دەیان ساڵان ئاستو ئاۋدای سەرچەمەکەی ئانڎە کەم بکەرۆنە.

سەرچەمەو شارو ڕەوانسەری، جە زنجیرە کەشەکانو شاهۆو هەورامانی هۆرمەقۆڵیۆنە و جە ڕەوانسەر گۆماۋێوە گەورە پێکماوەرۆنە کە چنەشەوە ڕڤارێو بە نامێ ڕەوانسەری یان خۆرە سوی سەرچەمە مەگێرۆن کە بە هەڵە بە قەرەسو نامێش مەبریۆنە و درێژیەکەش ١٧٠ کلیۆمەترێن و دماتەر تێکەڵ بە ڕڤارو گاماسیابی مەبۆنە.
بەهۆکارو کەمکەردەو ئاۋەو سەرچەمەو ڕەوانسەری، ئاستەو ئاۋەو ڕڤارو خۆرە سوی فرە جە کەمیشدان و ڕووبەڕوو وشکبییەی بیەنەوە.