پەرلەمانتارو ئامەدو دەم پارتی سەرحەد ئەرەن قەرار و هەڵوێستەکاو زیندانییاو پەکەکەی و پاژکیش ورسەنگنێ، کە قەرارو ئانەیشا دان، ٤و نیسانیوە دادگاکێ بایکۆت بکەرا و بەشداریی چەمپەنەکەوتەی چەنی پارێزنەر و بنەیانەکاشا بازاوە.  

ئەرەن باسش کەرد زیندانیێ سیستمی نایاسی و گۆشەگیری کە ئیمراڵیینە هەن شەرمەزارێ مکەرانێ و دەسنیشانش کەرد، کە داوێکێشا ڕەوێنێ و واتش: "ئی هەڵوێستەو زیندانییا نیشانەدەرو ئانەینە کە گەلو کوردی جە کۆشیای نمەگنۆ و جگە ئانەیچە گرد فشارێوی دەسەڵاتی، دەس جە مدرامانو وێش وەرنمەدۆ. پێسەو هەمیشەی زیندانیێ سیاسیێ ئیساتێچنە  بەیارایۆ خاوەنداریی وەنەو کۆشیای ئازادیی مکەرانێ و سەرمەشقایەتیی ئی کۆشیایە مکەرانێ، پەی چارەسەریی سیاسییانەو پەرسەو کوردی مبانێ بە نموونێوی پەی گلێرگەی."

هەژاریی کۆمەڵایەتیی قووڵتەر مبۆوە

ئەرەن سیستمو گۆشەگیرییش پێسەو درێژەدای بە پڕۆسەو ناچارەسەری پەرسەو کوردی ورسەنگنا و ئاماژەش پانەیە دا تا گۆشەگیری بەردەوام بۆ، بە سیاسەتو جەنگی قەیرانەکاو گلێرگەی قووڵتەرێ مباوە و واتش: "دەوڵەت سیاسەتو جەنگی مکەرۆ و وێش سەرو ئی مژارەیە دۆڵەمەند مکەرۆ، لێوە تەریچۆ دەرنجامو ئی سیاسەتەینە گەل زیاتەر هەژار مگنۆ. تا ئیساتێ بڕو ٣ ترلیۆن دۆلارا پەی ڕاوەبەردەی سیاسەتو جەنگی خەرج کریان، گەر ئا بڕە زەڕە فرە پەی گلێرگەی بەکار ئامێ ئانە بەشێوی فرەو قەیرانەکا چارەسەرێ بێنێ، پەوکای پێویسا هاموەڵاتێ تورکیای وەراوەرو گۆشەگیریی ئیمراڵینە و درێژەدای بە سیاسەتو جەنگی دژش مرداوە. داوام ئانێنە گلێرگەو تورکیای گرد پێوە چەنی هەنگامەکاو نەتەوەی و داوا دیموکراتیکییەکاو گەلو کوردی مامەڵە بکەرانێ."

گەلاو تورکیای بەتەمامی گنا دلێ چاڵەی سیاوەو گۆشەگیرییوە

ئەرەن باسش کەرد جە ڕاو مانگێرتەی جە واردەی زیندانییاوە پێویسا گردو خەڵکی وەراوەرو سیستمو گۆشەگیریی ئیمراڵی بمرداوە و واتش: "دۆخو ئیساتێنە قەرارو بەشداریی نەبییەی دادگانە مدرامانێوا دژو دادگەری کە بییەن بە لایەنگیر و سەربەوێ نییا. گرد دادگایکەردێوە تورکیانە ڕووکەشا. نموونێوە ڕۆشنو ئینەیچ  'دۆزو کۆبانێن'. بە دەیان هەزار هامڕێما هەنێ، کە بە ئەمرەو دەسەڵاتداری گیریێنێ."

ئاخرۆ ئەرەن ئاماژەش دا دلێ گلێرگەێونە کە فێرو نایاساییەتی بییەن، ئیتر پاشێلکەردەی ئاسایی بییەنۆ و واتش: "گەلاو تورکیای بەتەمامی گنا دلێ چاڵەی سیاوەو گۆشەگیرییوە."