پارتو یەکسانی و دیموکراسیی گەلا (دەم پارتی) چا شارانە کە ورچنیەیەکاو هیزینە دلێشانە سەرکەوت، ئاهەنگو سەرکەوتەییش دەس پەنە کەرد، پی بۆنەوە شارەکاو ئاگری و سێرت و موش و ئەرزەڕۆمینە سەرکەوتەیەکێ مەبارەکێ کریێ.

 ئاگرینە هامسەرۆکاو شارەوانیی محەمەد ئاکوش و هەزەل ئاراس قسێشا کەردە، ئەرەیاوناشا گەل تارێخێوی تازەش نویستۆ و جوابی پێویسو نەیاراش داوە.

ئاهەنگەکەو سێرتینە درووشمو "بژیوۆ سەرۆک ئاپۆ" و "ژەنی، ژیوای، ئازادی" و "بژیوۆ مدرامانو زیندانی" بەرزێ کریێوە، دمایی هامسەرۆکاو دەم پارتی سێرتنە سوپاسو گەلیشا کەرد. ئاهەنگەکەنە  پەرلەمانتارو دەم پارتی سەباحەت ساریتاش ئەردۆگان تیشکەش وستە سەرو چالاکیی مانگێرتەی جە واردەی واتش: "هێزو شمە گۆشەگیریی سەرو بەڕێز ئۆجالانی مماڕۆ. ئێمە جۆش و هێزو سێرتی مکەرمێ بە سەوقات پەی ٤و نیسانی".

لە ئاهەنگەکەو ملازگرو موشینە، هامسەرۆکاو شارەوانی گوڵستان ئۆزەلە و ئەحمەد کەنعان تورکەر ئی سەرکەوتەیشا پێسەو "ئیرادەی و سەرکەوتەی گەل"ی ئشناسا.  

ئاهەنگەکەو ئەرزەڕۆمی، هامسەرۆکاو شارەوانیی بەهار گۆکسو و فواد توتکون واتشا سەرەڕاو گردو فشار و زۆرداریێوە سەرکەوتیمێ.