ئەنڎامو کۊمیتەو ناوەنڎی پەکەکەی "نەدیم سەڤەن" باسش چانەی کەرڎ سەرۊککۊمارو ترکی ئەردۊغانی ئاکەپەیی بە شێۋێوی 'نایاسایی و قاچاخ' ملۊنە دلۍ ھورچنیایۊ و ۋاتش، "جە ۋەران ۋەرمانە کەسێۋی رسوا و درۊزن هەن، ئا کەسە دزا و حیچ پێودانگێۋی ئەخلاقیش نەمەنەن. کەسێۋی چانە کە پەی حەز و ئارەزوەکاش متاۋۊ گرڎ چېۋۍ کەرۊ. پېسە چنی ناپاکیش جە نەریتو ''میللی گوروش''ی کەرڎ، ئاڎ متاۋۊ خیانەت جە گرڎو ئا بەهایا تەریچ کەرۊ کە قەناعەتش پنەشانە".  سەڤەن سەرنجش وست سەرو گرنگی ھورچنیاو ١٤و ئایاری و ۋاتش، " ئەشۊ گرڎ لایەنە دیموکراتیکەکۍ با بە خۊتان هەڵۋێسێۋە کە ڕا ۋەرو دەمو گرڎ جۊرە یۊبیەیۍ، هامپەیمانی و یۊگېرتەیۍ کەرۊۋە".

ئەنڎامو کۊمیتەو ناوەنڎی پەکەکەی "نەدیم سەڤەن" قسێش پۍ ئاژانسو هەواڵی فرات (ANF) ی کەرڎ و جە قسەکاشەنە سەرنجش وست سەرو ئی بابەتا.

سەڤەن سەبارەڎ بە گۊشەگیری سەرو رابەرو گەلوو کورڎی "عەبدوڵا ئۊجالان"ی ئەرەیاۋناش:"ۋەڵۍ گرڎ چێۋێنە گۊشەگیری سەرو رابەر ئاپۊی و پیلانگێڵی میان نەتەوەیی شەرمەسار مکەرو. سیستمو ئەشکەنجەداو ئیمراڵی پاش وستەن ٢٥ەمین ساڵشۊ، بەراسی فاڕیان پۍ مەیڎانو مدرامانی و کۊشیای. بۊنەو ئینەیۊ سڵام جە مدرامانو رابەر ئاپۊی مکەرو. حەرپاسە سڵام جە چالاکی ئا گیانبازە شۊڕشگێڵا مکەرو کە بە ۋەڵێۋەبیەو هەڤاڵ "خالید ئۊرال"ی سەرو بنەماو ئانەی ''کەس مەتاۋۊ ۋەرو ئێمە تاریک کەرۊ" بە ئەنجامشا یاۋنا و دەورو رابەر ئاپۊینە یۊشا گېرت، حەرپاسە سڵام جە گرڎو گەشمەرڎا مکەرو یاڎشا بەرز راگېروو. گەرەکما ۋاچوو راسی هزرو، بیردۊزو، سیاسەتو، رێکوستەی و کۊشیای رابەر ئاپۊی سەرچەمەو سەرەکی ژیایمانە و پاڵنەرو ئەرەکۊشایمانە.

سیستمێۋی پاکتاوکارین

سیستمو ئیمراڵی جەهانەنە نمونەش نییا. ئا سیستمە دمابەدماو پیلانگێڵیۍ گۊرەی ئاما ئاراوە. هێزە میان نەتەوەییەکۍ سیستمو ئەشکەنجەو ئیمراڵیشا بە شێۋوی پلان پەی نیایرەی رێکۋستەن. ئامانجی سەرەکیشا ئانە بۍ کە جە ماۋێۋی فرە کوڵەنە رابەرایەتی دلېنە بەرا و سەڕاشۊ. ئا پلانۍ شکسش ئارڎ. هەڵۋێسو رابەرایەتی، خۊتانکەرڎەی گۊرەو گەلەکەیما و گیانبازی گەریلای پۍ خۊتانکەرڎەی جە رابەر ئاپۊی ناستش ئا پیلانگێڵیە سەرگنۊ. ئیمراڵی سیستمێۋی پاکتاوکارییا. دۊڵەتو ترکی و نوێنەراش چاگە تەنیا دەورو حەرەسۍ گێڵنانە. چی روۊ رابەر ئاپۊ ھورسەنگنۍ فرێش ھەنۍ. ئیمراڵی پېسە نمونێۋە هامشێوەو گوانتانامۊی دەستنیشان مکەرۊ.

ئارۊیچ گۊشەگیری بە شێوەی جیاجیا ۋەردەواما، بەتایبەتی رژێمو فاشیستی ئاکەپەی کە ٢٤ ساڵېن کۊمارو تورکیای ڕاۋەبەر کەرۊ و رژێمو ئەرەگیری و فاشیستی جە ساڵەو ٢٠١٥ی بەدماۋە سەرو بنەماو هامپەیمانی ئاکەپە-مەهەپە مەرزیانەرە، گۊشەگیری سەرو رابەر ئاپۊی بە شێۋێۋی سیستماتیک تنتەر کەرڎەنۊ. بەتایبەتیچ ماوەو دوۋۍ ساڵان نە جە روو یاسایی و نە جە روو سیاسیوە حیچ پەیوەنڎیێۋە چنی رابەر ئاپۊی سازنەکریان. بەحیچ یاسێۋە مەتاۋۊ بەھانۍ پۍ ئا گۊشەگیرییە بارۊۋە. بە دڵنیاییوە ئێمە جمیەرو رابەرایەتینمۍ. نەریتو ئەرەکۊشای و راسیما ھەن".

گۊرەتەرین جەنگ ئینا ئیمراڵینە

 ئەنڎامو کۊمیتەو ناوەنڎی پەکەکەی "نەدیم سەڤەن" ئانەیچش وست ڕوۋە کە ئانەی سیستمو ئەشکەنجەو ئیمراڵی خوڵقنۊ، ۋەڵېۋەبیەی مکەرۊ، پارێزنۊش و چەمڎاریش مکەرۊ، راسی ۋێڕاۋەبەری ئۊروپایا و ۋاتش، "بەنامۍ ئۊروپایۊ ئەرکو چەمڎاری بە سی پی تی دریان. ئەرەیاۋیا کە شش مانگۍ چێۋەڵتەر جە لایەنو ئا لوجنەیۊ سەرداو ئیمراڵی کریان. ئەستەما ئینسان بزانۊ کە ئا سەردایە جە چ ئاستێۋەنە ئەنجامدریان. چا بارۊ سی پی تی ئەرەیاۋنېۋە بەقوەتش نەڎا. جە گوزارشتەو ئی دماییەیشەنە تەنیا ئاماژەش پانەی دا کە ماچۊ '' ئێمە لوۋایمۍ ئیمراڵی''. ئیتر نەواتش ئاژەو تەندروستی رابەر ئاپۊی چنینا؟ هەلومەرج چێشا؟ پەنەوازیەکۍ ژیایش ئینۍ چ ئاستێۋەنە؟ چا روۊ چێش ڕوۋە مڎۊ؟ کەس زانیاریش سەرو ئانیشا نییا. ۋەرو ئانەی سیاسەتی گۊشەگیری دژوارکریا بە مەبەست پەیڕەو کریۊ.

بەتایبەتی جە ٥و نیسانو ٢٠١٥ بەدمایۊ رابەر ئاپۊ ئینا چېرو گۊشەگیری رژێمو فاشیستی ئاکەپە-مەهەپەینە. ھامۋەخت چنی گۊشەگیرکەرڎەو رابەر ئاپۊی جەنگېۋی گۊرە دەسش پنەکریان. ئاڎۍ ئیمراڵیشا پېسە گۊرەتەرین بەرەو جەنگی ھورچنی. رابەر ئاپۊ جە سآڵەو ٢٥ەمینیچشەنە پېسە گرڎ جارێۋە بە ئیراڎە و هەڵوێسێۋی مدرامانی بۍ هامتا جەهانەنە، مدرامانۍ فرە گۊرەش نیشانەدا و جە چۋارچێۋەو نەتەوەی دیموکراتیکینە بەهای گۊرەش پۍ دیموکراسی، سۆسیالیزمی و مرۊڤایەتی دەسەبەر کەرڎ. بۍ گومان ئانەی ئێمە نارەحەت مکەرۊ ئانەنە کە ئێمە جە بارەو تەندروستی رابەر ئاپۊیۊ حیچ چێۋۍ مەزانمۍ و بە حیچ جۊرۍ حیچ پەیوەنڎیێش چنی سازنەکریان. رژێمو فاشیستی ئاکەپە و مەهەپەی و هێزە میان نەتەوەییەکا پېسە ئانەی کە گوزارشتەکۍ سی پی تینە ۋینیۊ بە شێۋێۋی سست مامەڵە چنی ئا ئاژەیە کریۊ. نە گەلەکەما و نە دۊسەکېما ئانەی قبوڵ مەکەرا.

'بژیۋۊ سەرۊک ئاپۊ' بی بە دروشمەو سەرەکی نەورۊزی

جمیەرەکەما حەر جە سەرەتاو پیلانگێڵیە میان نەتەوەییەکەیۊ خۊتانکەرڎەیش جە رابەرایەتی کەرڎ، کارۋەدای تنش نیشانەدا و مدرامانی گۊرەش کەرڎ. ئا هەڵمەتۍ پەی ئازاڎیی جەستەیی رابەرایەتیما جە لایەنو ۋێڕاۋەبەریماۋە دەسشپنەکریان پاش نیان یەرەم ساڵۊ. بەتایبەتی جە ٨و ئادار و نەورۊزو ٢٠٢٣ ێنە گەلەکەما و دۊسەکېما ئاڵاو ئەرەکۊشایشا جە مەیڎانەکا کورڎسانی و فرەو مەنتیقا جەهانینە شۊکناۋە. چی نەورۊزەنە ''بژیۋۊ سەرۊک ئاپۊ'' بی بە دروشمی سەرەکی. دەورو ئا دروشمېنە گەلەکەما و دۊسەکېش جە نەورۊزنە خۊتانکەرڎەیشا جە رابەر ئاپۊی کەرڎ. ئەشۊ گرڎ مەیڎانۍ فاڕیۊ پۍ پێگەو مدرامانی و پۍ ئانەی ئازاڎیی جەستەیی رابەر ئاپۊی زووتەرین ۋەختەنە دەسەبەر کریۊ، چېش پێویس بۊ ئەشۊ ئەنجام دریۊ".

ئەنڎامو کۊمیتەو ناوەنڎی پەکەکەی "نەدیم سەڤەن" هەڵوێسو گەلوو کورڎی و دۊسەکاش پۍ بەشڎاری کەرڎەی جە نەورۊزی و یاۋنای پەیامێۋی تاریخی بە دوژمنی و گرڎو گلېرگەی میان نەتەوەیی بەرزنرخنا و ۋاتش،" جە گرڎو مەیڎانەکا نەورۊزینە بەتایبەتی جە وان، جزیرە، نسێبین، قۊسەر، ئیستەنبوڵ، ئامەڎ و فرەو مەنتیقا تەری بە هەڵۋێسېۋی بەقوەت خۊتانکەرڎەی ئاما ئاراوە و مەیڎانەکۍ نەورۊزی فاڕیۍ پۍ یاگۍ هاواری و چڕیەی پۍ ئازاڎیی جەستەیی رابەر ئاپۊی. حەر چی چۋارچێۋەنە گەلەکەما کە خۊتان نەریتێۋی شۊڕشگێڵین جە نسێبین، جزیرە، هەزەخ، سور، گەڤەر، شرنەخ و جە گرڎو ئا شارانەی کە ۋێڕاۋەبەریشا چنە ئەرەیاۋیان، کە دوژمن ۋاتەبێش 'ئێمە چاگە  قڕما کەرڎێنۍ'، بە جۊش و خرۊشێۋی گۊڕۊ خۊتانکەرڎەیشا جە ئەرەکۊشای و رابەرایەتی و نەورۊزی کەرڎ. ئینەیچ پەیامێۋی ڕۊشنا پۍ ئانیشا کە میاۋانە. پۊکەی هەڵۋێس سەرو ئا مژاریە، بێگومان هەم جە سیاسەتی نەتەوەینە و هەمیچ جە سیاسەتی میان نەتەوەیینە مۍ ئاراوە".

ئا هەڵۋێسەی نەورۊزنە نیشانەدریا تەئسیر مکەرۊ سەرو ھورچنیاکا

سەڤەن؛ بە ئاماژەدای پانەی کە تورکیا ئینا قۊناغو ھورچنیاینە و ۋاتش،" جە نەورۊزنە هەڵۋێسو ئانەی کە ئێمە لایەنگرو دیموکراسی، ئازاڎیی، یەکسانی، یۊگێرتەیی گەلا، ۋێنەو داڎپەروەری راستەقینە و بەها گەردوونییە مرۊییەکانمۍ، نیشانەدریا. بە گرڎی چا شارانەی ۋێڕاۋەبەریشا چنە ئەرەیاۋیان ئانە ۋینیا. هەڵۋێسو نەورۊزی پۍ ھورچنیاکا ئاینڎەو تورکیای ئینەنە. هەڵۋێسو نەورۊزو ئازاڎیی، داڎپەروەری، پێۋەرە ژیۋای، ئاشتی و مدرامانی گۊرەن".

سەڤەن، جە بەشێۋی تەرو قسەکاشەنە ئاماژەش بە پەیماننامەو لۊزانی کەرڎ و ۋیرش ئاورڎۊ کە جە ٢٤و تەمموزو ٢٠٢٣ ێنە ئا پەیماننامە ١٠٠ ساڵش سەرەرە ۋیەرد و ۋاتش، قۆناغۍ چانەنە تورکیا جە ١٤و ئایاریەنە ملۊ دلۍ ھورچنیاکاۋە و ئانەش وست ڕوۋە:" قۊناغو ھورچنیای سەرو بنەماو درێژەداین بە دەسەڵاڎداری فاشیستی جە ڕاو پیلانگێڵی و گەمە جیاجیاکاۋە جە لایەنو ئاکەپە-مەهەپەیۊ ئارەزوو مکەرا ئا قۊناغە بیاۋۊ ئەنجامی دمایی. ئەگەر ئا پیلان و فرت و فێڵۍ کە درێژۊبیۍ گەمەکا عوسمانینۍ ڕاگیریشا چنەکریۊ، بە دڵنیاییۋە جە ھورچنیاکا ١٤و ئایاریەنە هێزە دیموکراسییەکۍ سەرگنا. پلانەو ئەساسی رژێمو فاشیستی ئاکەپە-مەهەپەی ئانەن کە ۋەرمەکا عوسمانی جە ١٠٠ەم ساڵەو لۊزانینە بارۊ دی، بە پاو تازەکەرڎەیۊ پەیماننامەو لۊزانی مەنتیقەکۍ دلۍ میساقی میللی کە چېرو ھەژمونو عوسمانینە بێنۍ سەر جە نۊ وزاۋە سەرو کۊمارو تورکیای. ئامانجو ئەساسی دەسەڵاتو فاشیستی ئاکەپە-مەهەپەی جە گلېربیەیۊ ئەنجومەنو باڵاو ئاسایشی نەتەوەیی تورکی جە تشرینی یوۋەمو ٢٠١٤ینە کە پلانەو کۊکوژی بە نامۍ 'پلانەو وڕنایۊ چنەشەنە ئاماڎەکریا، ئینەنە. سەرو ئا بنەمایە جە ٢٤و تەمموزو ٢٠١٥ ینە دەسەڵاڎداری فاشیست ھجومە عاسمانییەکێش چێرو نامۍ "٤٠٠ گەشت"ینە دەسش بە جەنگی کەرڎ و دماتەریچ ئا ھجومە عاسمانیۍ جە گرڎ یاگێۋە کورڎسانی ۋەردەوامۍ بێنۍ. ئا ھجومۍ تا ئارۊیچ ۋەردەوامێنۍ.

پەکەکە وەرمۍ و پلانەکاو ئاڎیشاش پووچەڵۍ کەرڎێوە

ڕژێموو فاشیستوو ئەرەگیروو ئاکەپە-مەهەپەی کە کۊماروو تورکیای بەرۊ ڕاوە وەروو ئانەی سیاسەتی کۊلۊنیالیستیی وێش خۊی بەرۊ ڕاوە، تاکە کارتێوە کە دەسشۊ مەنەبۊ جەنگا. جمیەرەکەما کە گەریلاکاو هەپەگەی و یەژاستاری جە چوارچووەو سیستموو کەجەکەینە دژوو ئاڎینە مدرامانی وافرشا کەرد. بە سەرمەشقایەتیی پەکەکەی و پاژاکی ئا پلانە ئەرەگیرییانۍ بە هەڵوێسێوە گەورەو شۊڕشگێڵنی و مدرامان جە شەنگال، مەخموور و وەرنیشتنە، هەم جە سەرنیشتوو کورڎسانی و  پانیشتیچنە پووچەڵ کریاوە. بە مدرامانی فرە گرنگ جە پارێزنای هەرێمەکاو برادۊستیوە تا خواکورک، هەفتانین، زاپ-ئاڤاشین-مەتینا مدرامانوو گارەی تا مدرامان جە دژوو ئەرەگیرکاریی عەفرینی، گرۍ سپی، سەرێکانی، بمدرامانوو گەریلای جە مەیدانەکاو دلۍ حدوودەکاو سەرنیشتوو کورڎسانی و فرەو مەنتێقەکای تەری ئا پلانۍ ئاکەپە-مەهەپەیە بەقورسی پووچەڵە کریاوە. وەروو ئانەیچە مدرامانوو پەکەکەی وەرمەکاو میساقی میللیی ئی ڕژێمە فاشیستیەیشە بە بەخشای قوربانیی گەورەی پووچەڵۍ کەرڎێوە".

ئینۍ زەعیفتەرین وەختوو وێشانە

سەڤەن ئانەیچش وست ڕووە، کە فاشیزموو ئاکەپە-مەهەپەی جە وەرارەوو مدرامانوو گەورەو ئیرادەو "ڕابەر ئاپۊ"ی و جەنگوو پەکەکەینە شکسش ئارڎەن و ئینا جە زەعیفتەرین ماوەو وێشنە. جە بوارەکاو ئابووری، سیاسی و دیپلۊماسیچنە شکسش ئارڎەن، جە ڕووەو ئایدۊلۊژیایچۊ کەوتەن دۊخێوە ناڕۊشن و بییەن دەوڵەتێوە چەتە و مافیاکا. تاقموو ئەرڎۊغان-باخچەلی فاڕیان پەی تۊرێوە بەرژەوەندیی میاننەتەوەیی. چی ورچنیەیەنە بە چوارچوێوە یاسایی کۊتاییشا پەنە مۍ. ورچنیەی ١٤و ئایاری چێوە گرنگا. مشۊم گرڎوو لایەنە دیموکراتیکەکا با بە داراو هەڵوێسی، کە ڕا پەی گرڎ نۊعە یەکێتی، هامپەیمانی و یۊگرتەیۍ کەرۊوە. وێش جە وێشنە هامپەیمانێتییەکۍ جە ئاستێوە بەرزنە ڕۊشنۍ بیێنێوە. جە لاێوە هامپەیمانی کرێگێرتە، چەتۍ و مافیاکاو ئاکەپەی، مەهەپەی و هوداپاری. جە لاێوە تەرۊ هامپەیمانیی ڕەنجی و ئازاڎیی شۊڕشگێڵنی، دیموکراتیک و سۊسیالیست و جە لاێوە تەرۊ هامپەیمانیی گەلی، کە چادیشا پێک مۍ، کە تائیساتێچ مەتاوا سیاسەتۍ ڕاس بەرا ڕاوە. هێزەکاو ورچنیەی دەوروو ئا یەرە جەمسەراوە دیاریۍ کریێنۍ.

پارتوو چەپی سەوزی نوێنەرایەتیی گرڎوو گەلا کەرۊ

فاشیزموو ئاکەپە-مەهەپەی مەیلوو ئانەیش بۍ، کە کورد و هێزە دیموکراسییەکۍ جە ورچ‌نیەی دوور وزاوە و وزاشا پەراوێزۊ، پەی ئانەیچ دۊسیەو وستەیرەی هەدەپەیشا کەرڎۊ، بەڵام کورد و هێزە دیموکرات و سۊسیالیستیەکۍ ئانەشا دی و پووچەڵشا کەرڎۊ. ئینەیچجە ڕاو گێرتەیرەوەروو هەڵوێسێوە، کە نوێنەرایەتیی گرڎوو گەلا کەرۊ و هامپەیمانێتیێوە ساز کریۊ، کە هامپەیمانیی شۊڕشگێڵنا، دیموکرات، ڕەنجدەرا و ئازاڎیوازا بۊ و چا چوارچووە یاساییەنە پێسە پارتوو چەپی سەوزی گوزارشتش چەنە کریۊ، وەسشا کەرد. جە کارنامەو ورچنیەیچنە ئانە بەڕۊشنی دیارا.

ئێمە پرۊسەو ورچنیەی بەوردی چەمداری کەرمۍ و تا وەختوو ورچنیەی، کە قەراروو بێچالاکی کە کەجەکەی ئەرەیاونابۍ درێژەش بۍ. نەرمەوزەو ئانەیە هەن، کە ئا پڕۊسە بیاوۊ سەرکەوتەی. ئانەما جە ورچنیەی ٧وو حوزەیرانوو ٢٠١٥ینە دییەن، زیادتەر جە ٨٠ پەرلەمانتاراما کیانۍ پەرلەمانۊ، وەلێم ڕژێموو فاشیستوو ئاکەپەی سیاسەتوو کودەتای تازەیش گێرتەرە وەر، ورچنیەیش دووەبارە کەرڎۊ، جە میتینگەکاو هەدەپەینە بۊمبش تەقناوە و تورکیاش بەرەو ورچنیەی ١وو تشرینوو دووەموو ٢٠١٥ی بەرد.

پەنا پەی گرڎ شکڵێوە بەرا

وەختێوە فرە کەم پەی ورچنیەی مەنەن، پەنا پەی گرڎ شکڵێوە چەپەڵی نائەخلاقی بەرا، وەروو ئانەی ورچنیەی بە پاو بەرژەوەندییەکاو وێشا بۊ، ڕاسیی ئا کۊمەڵە فاشیستەیە پەی دلۍ تورکیای و هێزە میاننەتەوەییەکایچ بەڕۊشنی ئاشکرا بییەن. پێسە وینیۊ ئەسەما جە سندۊقەکاو دەنگداینە سەرکەوتەی بەدەس بارا، وەلێم فاشیزموو ئاکەپە-مەهەپەی جە بواروو شێوازی نائەخلاقی و فرتوفێڵینە پسپۊڕا. مشۊم گەلەکەما هێزە دیموکراسییەکۍ وریۍ با و گرڎ ڕاوشۊێنێوە گێرانە وەر. جە وەرانوەرماوە ڕیسواتەرین کەس هەن، کە کەسێوە درۊزن و دزا و جە گرڎوو پیمانە ئەخلاقییەکا ماڵیانرە. کەسێوە چانە پا جۊرە کە پەی حەز و ئارەزووەکاش متاوۊ گرڎ چێوۍ کەرۊ. پێسە چەنی خیانەتش جە نەریتی 'میللیی گوروش- چەنەیاوینەی نەتەوەیی' کەرد، ئاد متاوۊ ناپاکی جە گرڎوو ئا بەهایا کەرۊ، کە بڕواش پەنەشانە.  

سەڤەن سەبارەت بە هامپەیمانیی ئاکەپە و هوداپاریچ واتش، "من هامپەیمانیی بەینوو ئاکەپەی و هوداپاری پەی ئاشکراکەرڎەی ڕووەی هەقەتینێشا بە ئەرێنی وینوو. هوداپار هێزێوە کرێگێرتەن. کورد خاس مشناسۊشا. ئا کۊنترا و کرێگێرتەیە جە ساڵاو ٩٠ەکانە لاو دەوڵەتی شاریاوە و حوکمەتیوە بە گرڎ نۊعە هامکاریێوە ڕێکۍ وزیێنۍ. ئا پێکئاما چەتەیە کە ونەو هەزارا  کەساش جە گەلەکەیما متە، وەروو ئانەی دژوو پەکەکەی و کورڎا جەنگ کەرۊ ئەرەمەرزیان. کورد پا تۊڕەو کوشتەیە ماچا حزبوڵکۊنترا. ئا ڕێکوستەیە کۊنترایە بەڕاسییچ داعشا، ڕاسیێوە ژیتەما. گرڎوو بکوشاو ژیتەمی جە ساڵاو ٩٠ینە بەتەمامەتی سەر بە حزبولکۊنترا بێنۍ. ئا وەختە کورڎۍ دژوو داعشی جەنگ کەرێنۍ، ئاشکرا بی، کە داعش ڕاستەوخۊ سەربە ئاکەپەین، پەوکایچ سەیر نییا، کە ئاکەپە چەنی ئا جۊرە پێکئامایا هامپەیمانی کەرۊ.

دۊخێوە تەریچ هەن ئانەیچ ئانەن، کە هوداپار حەوڵۍ مدۊ، کە مەیدانۍ یاسایی ساز کەرۊ، وەروو ئانەیچ گرڎ نۊعە دەرفەتێوە ئابووری و سیاسییش پەنە دریۊ. جە ئایندەنە ئەگەر هەن ئا دۊخە پەڕ بۊ تەرسی، ئەگەر جەمسەروو فاشیستوو ئاکەپە-مەهەپەی چی ورچنیەینە ئا  ئەنجامە کە گەرەکشا نەیاوۊش پەنە، جە کورڎساننە و یاگەکای تەریچنە چەکشا مدۊ پەنە و کەرۊشا گژۍ کۊشیای شۊڕشگێڵنی و کورڎارە. مشۊم پێسە شرۊڤە کریۊ و گرڎ شۊنێنە شۊنێنە نیشانە دریۊ. ئانە لاو کوردیوە ئاشکران. ئا تابلۊوە ئاکەپە-مەهەپەین کە چندە دژوارا. ڕسمەکاو یەشیل (مەحمود یڵدرم)ی و تۊرۊسی، کە گەمەو ئامەڎسپۊر-بورساسپۊرینە بەرزۍ کریێوە، هەڵوێسوو باخچەلی و مەبارەککەرڎەی ئا هجووما بەر وزا، کە ئا قۊمیایە چە هجووموو و هەڕەشێوە بۍ. مش، بیبینن و بە گوێرەی ئەوە بۊم گرڎ لاێوە ئانەی بزانا. ئا ئەقڵیەتە جیاوازی مەکەرۊ و حەوڵۍ مدۊ دلێشانە بەرۊ. وەروو ئانەیچە مشۊم گرڎ کەس خاس وەراوەرشۊ هۊشیارۍ با و کۊشیایۍ بە‌قووەت گێرانە وەر. ڕەنگای ئا هەنگامۍ دماو ورچنیەی پەڕ تەرسی بۊ، کریۊهودا پاری کەرا بە حەماسوو کورڎا".

هەڵوێسێوە بەئیرادە و هەرمانکەرڎەیۍ ڕاس و درووس

ئەنداموو کۊمیتەو ناوەندوو پەکەکەی "نەدیم سەڤەن" ئاشکراش کەرد، کە مشۊم هەڵوێسێوە گیریۊرە وەر، ئی ورچنیەیە دمایی بە ڕژێموو فاشیستوو ئاکەپە مەهەپەی بارۊ، چا ڕووەوە بە ئاماژەدای بە بەکارئارڎەی گرڎوو تواناکا و شەوێنەوتەی و ئەوپەڕوو حەوڵا جە هەڵمەتەو بانگەشەینە واتش: وەروو ئانەی گەمەکەی ور گێڵناوە و تەرسەکا کەرا بە فرسەت، مشۊم هەڵوێسێوە وێبەخشانە و خەباتێوە ڕاس پەیڕەو کریۊ. ئینەیچ تەنیا بە هەرمانکەرڎەی و حەوڵدای مسۊگەر بۊ. پەوکای مشۊم بەرە بە بەرە گێڵمۍ، جە گەنجاوە تا بەتەمەنۍ و گرڎوو ئانیشا مافوو دەنگدایشا هەن ڕازیۍ کریا. جە مەیدانەکانە، جادەکانە، چایخانەکانە، یانەکانە، باخچەکانە، کەشۊ، دەگا و دەشتەکانە جە شوانێوە تا بازرگانەکا، بوروکرات، ڕۊشنویرا و گرڎوو بەشەکاو گلێرگەی بە باس و بەیاننامە ورچنیەیشا پەی ڕۊشن کریۊوە. پەی ئانەیچ مشۊم بە شەو و ڕۊ خەبات کەرا. ئەگەر پێویس بی واز جە هەرمانۍ کەسیۍ و تایبەتیۍ وێتا بارڎۍ و فیداکاری کەرڎۍ. ئینە دڵسۊزی و ئیرادە و ڕەنجش گەرەکا. پەی ئینەیچ بۍ ئانەی یەک هەنگام بلدۍ دماوە سەروو ئامانجەکاتاوە مرددۍ. ئەگەر بەڕاسییچ گەرەکتانە دلۍ سندۊقەکاو دەنگداینە ئاکەپە-مەهەپەی و حزبولکۊنترای وزدۍ چیروو خاکی، هەرمانەکۍ چینێنە، قەناعەتیچما چانەن کە ئینە کریۊ".

حەوڵۍ پەی نیایۊ ڕاگێری و ئاژاوەنیایۊ و نیایۊ پەشێوی

"نەدیم سەڤەن" قەرارەکەو کەجەکەیش جە بارەو مردنای چالاکیی سەربازیوە تا دمایی ورچنیەیەکا ویرش ئارڎۊ و واتش ئا قەرارە، پەی راگێریین جە نیایۊ ئاژاوەگێڵنای و گێچەڵۍ لاو فاشیزمیوە، وەلۍ فاشیزموو ئاکەپە-مەهەپەی حەوڵۍ مدۊ پیلانۍ و ئاژاوۍ بنیۊوە، پەوکایچ مشۊ گرڎکەس وەرپەرسانە مامەڵە کەرا و هێزەکاو دیموکراسی نەگنا دلۍ دامەو ئاڎیشاوە و هۊشیارۍ با. سەروو ئا بنەمێچە داوا کەروو، کە گەلەکەما  سەروو ڕێباز و شێوازێوە کە لاو کولتووری دیموکراسیوە دیاری کریان، باوشی پەی پارتەکەو وێشا کەراوە.

مدرامانی شکۊمەندانە، کە ئی نەورۊزی بە سەرمەشقبییەی گەنجا و ژەنان وەڵۍ وزیا، ئا مدراماننە کە هاوارۍ پەی ئازاڎیی ڕابەرایەتی کەرۊ، بە هەڵوێسوو وێشا پێسە هێزێوە، کە پۊتانسیەڵ و نەرمەوزەی گەورە دلۍ سندوقەکانە نیشانە مدۊ، کەراش پا چێوەیە کە پەنەش وچیۊ چوارچوەی یاسایی. سەروو ئا بنەمۍ سیاسەتوو عوسمانیی تازەو ئاکەپە-مەهەپەی پووچەڵ کریۊوە. سیاسەتەکاو عوسمانیی تازەی و وەرموو میساقیی میللی و پلانە ئەرەگیرکارییەکا نمەیا دی، وەرڎەمشا بەتەمامەتی گیریان. ئی ورچنیەیە مشۊم بە ئامرازێوە بۊ پەی ئانەیە. سەروو ئا بنچینەیە بانگەوازما پەی گەلەکەیما و گرڎوو ئانیشا، کە پەرۊشۍ دیموکراسینۍ ئانەن، کە بە گیانوو نەورۊزیوە جە مەیدانوو سیاسەتینە باوشی پەی چوارچێوەو یاسایی کەراوە، کە دیموکراسی دیارییش کەرۊ".

 ھ . ش / س.ز