سوپاو حکومەتو شامی حەمانە کیشیاوە
ڕوانگەو سوری پەی مافەکا مرۆڤی، ئەرەیاۋناش سوپاو حکومەتو شامی حەمانە کیشیانۆ و چەتەکۍ هەیئەو تەحریر شامی یاوێنۍ بە ١٦ دەگایا شارەکەی.
ڕوانگەو سوری پەی مافەکا مرۆڤی (سۆهر) ئەرەیاۋناش هێزەکاو حکومەتو شامی شارو حەماینە کیشیێنێوە. بەڵام بە پاو گوزارشتەکا هێزی سەرو ئاژەکەی ئاماژە پانەی کریان کە هێزەکۍ شامی نەکیشیێنێوە.
ئدلبیچەنە چەتەکۍ ئەرەیاۋنانشا، شارو مەرەت نومانی و خان شێخۆ-یشا وستێنۍ چێرو کۆنترۆڵو ۋێشاوە.
سۆهر دەسنیشانش کەرڎ کە هێزەکاو شامی جە شارو حەماینە کیشیێنێوە و باسش چانەیچ کەرڎ هێزەکۍ بەرەو حومسی کیشیێنێوە. ئا سەرچەمە ئاماژەش پانەیچ کەرڎەن جە چن سەعاتی ۋېیەردەنە چەتەکۍ هەیئەو تەحریر شامی ١٦ دەگۍ حەمایشا وستێنۍ چێرو کۆنترۆڵو ۋێشاوە.
جە لێوەتەرۆ هێزەکۍ شامی ماچا هەڵای ئینۍ نوقتەکا ۋێشانە جە سەرنیشتوو ۋەرکۆتوو حەمای و ئاماڎۍ ۋەرپەرچدایۆو هرووژمو چەتەکانۍ.
