سکرتێروو جابەجێکاروو کۆمیتەو ڕاگیری جە ئەشکەنجەی (سی پی تی) هیگ شێتویند باسش چانەی کەرد، کە هەستیارېنۍ سەبارەڎ بە گۆشەگیری ئیمراڵی، جە نزیکۆ شۊنیرە لووایش پەی مکەرا و واتش، هەفتەی وەڵین چنی پاڕێزنەراو عەبدوڵا ئۆجالانی گلېرۆبیەیشا بیەن.
کۆمیتەو ڕاگېرتەی جە ئەشکەنجەو ئەوروپای (سی پی تی) گوزارشتەو ساڵانۍ ۋێش پەی پەرلەمانتاراو ئەوروپای جە بروکسلەنە ئاشکرا کەردە.
جە کۆنفڕانسە رۆنامەوانیەکەنە کە پەیامنێروو ستێرک تیڤی سەبارەڎ بە ئیمراڵی پرسیارێوەش سەبارەت بە ئیمراڵی ئاراسەکەردۍ، جە جوابەنە سکرتێروو جابەجێکاروو سی پی تی هوگ چێتویند جوابۍ ڕۊشنش نەڎاوە و قسەکەردەیش چابارۆ ئاراسەو کاربەدەسا تورکی کەرد.
شێتیوند ئانەش وست ڕووە، "هەر وەختۍ سەردای تورکیای مکەرمۍ، سەروو ئا مژارا چنی کاربەدەسا تورکی گفتوگۆ ئەنجام مڎەیمۍ".
چێتیوند باسش چانەی کەرد، "ئانە گفتوگۆیۍ تایبەت (شاراوە)ن. مژارێوەن کە کۆمیتەکە بە وریاییوە هەڵوێسەش سەر مکەرۆ. گەرەکما بۍ گوزارشتەو پەیوەس بە سەرداکەو ساڵەو ٢٠٢٢ ئاشکرا بکەرمۍ. ئانەی مشۊم قەرار جە وەختوو وەڵاکەردەیۆ گوزارشتەکۍ بڎۆ کاربەدەسا دەوڵەتوو تورکینۍ. مژارێوەن کە ئێمە جە نزیکۆ چەمڎاری مکەرمۍ و هەستیارێنمۍ چا بارۆ، هەفتەی ویەردە کۆمیتەکەما چنی پاڕێزنەرا بەڕێز ئۆجالانی دیڎارشا کەرد. مژارێوەن کە چەمڎاریش مکەرمۍ . هەر وەختۍ بە خاسما زانا، پەیوەس پا پرسەیە سەردای ئەنجام مڎەیمۍ".
سی پی تی گوزارشتەو ۋێش جە بارەو سەرداکەو ساڵەو ٢٠٢٢ پەی ئیمراڵی ئاشکرا نەکەردێنە. حەرپاسە شوباتوو ٢٠٢٤ ینە لووۍ تورکیا، بەڵام سەردای ئیمراڵییشا نەکەردەبۍ. ماوەو زیاتەر جە یەرۍ ساڵان هیچ هەواڵ و زانیاریێوە جە بارەو رابەروو گەلوو کوردی عەبدوڵا ئۆجالانی ۋەردەس نییا. داواکاری پارێزنەرا و بنەیانەکا کە گرڎ حەفتێوە پێشکەش مکریا، جواب مەڎریاوە.
پەی دمایی ئاردەی بە گۆشەگیری و مسۆگەرکەردەی ئازاڎیی عەبدوڵا ئۆجالانی کۊشیایۍ سەرەمڕە ملۊڕاوە.
زینڎانیا سیاسی جە زینڎانەکا دەوڵەتوو تورکینە پەی ئازاڎیی جەستەیی عەبدوڵا ئۆجالانی و چارەسەری پرسوو کوردی، جە ٢٧و تشرینوو دووەموو ٢٠٢٣ێوە ئینۍ چالاکینە. کەسوکاروو زینڎانیایچ چنڎین مانگېن بەردەوامېنۍ جە چالاکی ئێشکگیری.
