سیاسەتمەدارۍ و ڕۊشنویرۍ ستایشوو پەیماننامەی کۊمەڵایەتیی ئیدارەو وێڕاوەبەری کەرا
"ئی پەیماننامە بۊ بە ئەوەڵوو هەنگامێوە سەروو بنەماو ئاشتەوایی نەک تەنیا بەینوو گەلاو سەرنیشتی و وەرکەوتوو سوریاینە، بەڵکوم بەینوو گردوو گەلاو سوریایچنە."
پەیماننامەی کۊمەڵایەتی پێسە قۊناغوو دماو پاککەرڎەیوە چەتەکاو داعشی هەرێمەکەنە، گەرەکشا قۊناغێوە سەقامگیری و هامسەنگ بنیات بنیۊ، پەیماننامەکە بەینوو گردوو پێکئامایەکاو هەرێمینە، کورد، عەرەب، موسڵمان، مەسیحی، ئێزدی، سریانی ، کلدانی و ئاشوور پێک ئامان.
چا چوارچوەنە لەیلا موسا، نوێنەرەو ئەنجوومەنوو سوریای دیموکراتیکی میسرنە چەنی ئاژانسوو فوراتی قسێش کەرڎۍ و واتش:"هیچ پەیماننامێوە سەبارەت بە دەسپەنەکەرڎەیوەی کۊبییەیوەکاو لوجنەو دەستووری ئارانە نییا، پەوکای پەیماننامەی کۊمەڵایەتی سەروو بنەماو هەوڵەکا و ئیرادەو گەلاو سوریای بە بۍ دەستوەرڎا جبەری بنیات نریان.
ئینە گەورەتەرین دەستکەوتوو ڕاوەبەری وێمانەو سەرنیشت و وەرکەوتوو سوریاین، دروسکەرڎەی ئی پەیماننامە کۊمەڵایەتییەیە پەشتڕاسش کەرۊوە، کە گەلاو سوریای ساعیب ئیرادە و قەرارنۍ و مشۊم هەرمانە کەرا پەی ڕاوەبەرڎەی هەرێمەکاشا دوور جە حەر فەرمان و دەسوستەی دلێوە جبەرینی. ئی پەیماننامە متاوۊ بۊ بە مۊدێلێوە جە سوریای ئایندەنە سەروو هەرێمەکای تەریرە وەڵا بۊوە.
هەمان وەختەنە، ئەوەکۊڵەری سیاسیی میسری هانی ئەلجەمال جە قسەکەرڎەێوەنە پەی ئاژانسوو فوراتی واتش:"ئەرەیاونای پەیماننامەی کۊمەڵایەتی ئیدارەو وێڕاوەبەریی سەرنیشت و وەرکەوتوو سوریای هەنگامێوە گرنگەنە پەی پەرەدای بە کاریگەرییەکاش سەروو هەرێمەکەی، بەتایبەت یاگێوەنە جەنگوو پارێزنای کەرۊ، ڕووەبەڕووبییەیوە چەنی ڕژێموو سوریای و گرووپە تیرۊریستییەکا پێسەو داعشی پەی پارێزنای میراتی مرۊیی هەرێمەکەی کۊشیا. هەرپاسە فاڕای نامۍ ئیدارەو وێڕاوەبەری پەی ناوەندوو وێڕاوەبەریی دیموکراتیکی هەرێمەکاو سەرنیشتی و وەرکەوتوو سوریاینە، ئانەیە پەشتڕاس کەرۊوو کە پەیماننامەکە جە حەوت شارانە لکەدریاو ڕاوەبەرییەکەینە بەیۊگێرتانە وەش بییەن. وەلۍ ڕاوەبەرییەکە ئەوەخوایش کەرڎۍ، کە ئینە بڕیایرەیێوە تەمام نیا کۊماروو سوریاینە، بەڵکوم بە پاو پەیماننامەکەی سیستمێوە فیدراڵی یان کۊنفیدراڵ مەرزنۊرە. کریۊ چی چوارچوەنە جگە وێڕاوەبەری ئیسفادە جە ئەزموونوو عێراقی یان ئەزموونوو فیدراڵی سویسرانە ور گێریۊ.
فرەو خاڵەکاو لکەبەسەکۍ کۊمەڵایەتییەکۍ جەخت سەروو مافەکاو ژەنا و پارێزنای و یەکسانیی ڕەگەزی کریانۊ و ئینە جە پیمانەکاو دیموکراتیکینە یانۍ ئیرادێوە ئازاد. ئی پەرسۍ دەرئەنجاموو ویر و ئەندێشەکاو ڕابەر عەبدوڵا ئۊجالانی و گرنگیدایشنۍ بە پەشتیوانی و ڕێزگێرتەی وەنەو مافەکاو ژەنا و بەشداریکەرڎەێوە هەقەتینەین جە قەرادای و بنیاتنیای ژیوای ئازادی و سیاسیینە".
