سەمیر حەبات کە جە نەتەوەو چەرکەسیین سەبارەت بە مدرامانوو گەلوو چەرکەسی دژوو تاریکپەرساو داعشی و دماو ڕزگاریی شاروو منبجی و ئا فاڕیایێ نەتەوەو چەرکەسینە ڕووەشا دا، پەی ئاژانسوو هەواڵوو فوراتی قسێش کەردێ.

سەبارەت بە کۆچوو چەرکەسییەکا ڕووسیاوە پەی مەنتێقەکای تەری سەردەموو داعشینە، سەمیر واتش:" دماو کۆچوو چەرکەسییەکا ڕووسیاوە پەی مەنتیقەکای تەری و بارودۆخشا سەردەموو داعشینە ئەرەیاوناش، دماو کۆچەکەی ڕووەما کەردە شاروو منبجی، ئینە مگێڵۆوە پەی ١٣٠ ساڵا چێوەڵتەری، کە شاروو منبجی پیسەو شاریوە وێرانەی چانەبێ، وەلێ بە دەسوو گردوو نەتەوەکا ئاوەدان کریاوە، بە ئامای چەتەکاو داعشی گەلوو چەرکەسی بە گرد لەونێوە جە گرد چێوێوە قەدەغە کریا، تەنانەت زەماوندە، زوان و تەنانەت کولتووریچما قەدەغە کریا."

سەمیر درێژەو قسەکاشنە واتش: "بە ئامای ئەنجوومەنی سەروازیی منبجی و دماییئامای تاریکی بەتایبەتی ١٥و ئابینە، گرد چێوێوە فاڕیا پەی ڕوێوە تازەی و چەنی ئەرەمەرزنای ئیدارەو وێڕاوەبەری ئەرەمەرزیێکێ وێماما کەردێوە، بواروو کولتووری و زوانیوە دەسما پەنە کەرد و چالاکیی ئێنە و نەتوەکا هیچ جیاوازیێوەش نییەن، ئینە سەیەو ئیدارەو وێراوەبەریوە دەسکەوتەن. وەختێ دەوڵەتوو تورکی هجووم مکەرۆ گردوو گەلا مکەرۆ ئامانج و وەختێ ئاوەو فوراتێ مبڕۆ زەرەر بە گردوو گەلا میاونۆ، گەرەکشەن گردی بەرۆ دلێنە وەلێ گرد مدرامان مکەرا."

ئاخروو قسەکاشەنە سەمیر واتش: "بە ئازادکەردەی منبجی، چەرکەسییەکێ گێڵێوە پەی سەروو شێوازوو جارا و بە کولتوور و دابونەرتیوو وێشا مژیوا، سەیەو ئیدارەو وێڕاوەبەریوە، سەردەمێوی تازە پەی گەلوو چەرکەسی و گەلای تەری دەس پەنە مکەرۆ و ئیساتێ ئینێ ئاسایش و پێوەژیواینە."