بە پاو هەواڵێوە تۊڕەو مافەکاو ئینسانوو کوردستانی بە تۊمەتوو 'تێکدای ئاسایشی گردینی' دادگاو سنەی سزاو ساڵێوە زینڎانی و دایونەی ٤٠ قامچییاش سەروو سەیوان ئیبراهیمیی مامۊساو زوانی کوردی و ئەنداموو دەسەو ڕاوەبەری ئەنجوومەنوو نوژینیرە پەسەند کەرڎە و هیزی مامۊستاکە بە مەبەسوو ویەرنای سزێکێش فاڕیاوە پەی زینڎانوو شارەکەی.

لە دۊسیێوە تەرەنە سەیوان ئیبراهیمی سزاو ١٠ ساڵا زینڎانییش ملەرە سەپیێنە و ئەگەروو پەسەندکەرڎەیشنە، مشۊم ١٠ ساڵۍ تەر مەنۊوە. چا دۊسیێنە ئیبراهیمی تۊمەتبار کریان بە 'وەشکەرڎەی گرووپ و ڕێکوزیایا پەی تێکدای ئاسایشوو وەڵاتی'.

سەیوان ئیبراهیمی هامسەروو زارا محەمەدیێن، کە  بە تۊمەتوو واتەیوە وانەو کوردیی وەڵتەرۍ سزاو ٥ ساڵا زینڎانییش سەرەرە سەپیێبۍ وەلۍ دماتەر وەروو چەنەوەشبییەی کەوتە و ئازادە کریا.