هەشتەمین ئەرەنیشتەو دادگایکەردەی عەبدوڵا زەیدانی بە پڕوپاگەڼەو 'هامکاریکەردەی ڕێکوستەی' جە دادگاو سزای قورسو ئامەدی دەسش پنەکەرڎ. عەبدوڵا زەیدان ئاماڎەو ئەرەنیشتەکەو دادگای نەبۍ. بەڵام محەمەد ئەمین ئاکتاری پارێزنەرش ئاماڎەو ئەرەنیشتەکەی بۍ، ئاکتار داواو کاتیش کەرد.

پارێزنەر ئاکتەر جە دادگاکەنە تانە و ناڕەزاییش دژ بە دادگایکەردەکەی و بەهانۍ دادگایکەردەو موەکیلەکەیش کەرد.

جە قسەکاشەنە پارێزنەر ئاکتار ئاماژەش پانەی کەرڎ: "دادگایکەردەیۍ دادپەروەرانە نییا و هەڵوێسو دادگای هەڵوێسێوە دادپەروەرانە نییا و پاشلکارییا. پۊکەی ئی دادگایکەردەیە ڕەڎ مکەرووە.'

ئاکتار داواو ڕەڎ کەردەیۆ دادگایەکەیش کەرد. بەڵام داداگا داواکارییەکەش ڕەڎ کەردۆ. ئاکتار دەربارەو ئینەی واتش: "ئەر کاتێوە گونجیا نەڎریۆ، هەم دادگایکەردەی دادپەروەرانە هەمیچ مافو ۋەرگریکەردەی پاشێلکریان."

جە دما دماینە دادگا قەرارو ۋێش دا؛ سزاو ٣ ساڵا و ٩ مانگا زینانیکەردەیش پەی هامسەرۆکو شارەوانی گۊرە شارو وانی عەبدوڵا زەیدانی بڕیۆ.