سزای قورسە سەرو چالاکا کوردیرە سەپیا
بە پاو تۆڕەو مافەکا مرۆڤوو کوردەسانی (KHRN) و ڕادوێنو فەردای، دادگاو ئێرانی سزای قورسەش سەرو دووۍ جوانا کوردیرە سەپنان.
بە پاو ئەرەیاۋنای تۆڕەو مافەکا مرۆڤوو کوردەسانی (KHRN)، دادگاو شۆڕشو ئێرانی بە بەهانۍ "پرۆپاگەندەی دژو دۊڵەتی" و "سوکایەتی بە ۋەرپەرسا دۊڵەتی"، ٢ ساڵۍ سزاو زینانی سەرو ژیۋگەپارێزنو کوردی ئارمان شادی وەندیرە سەپنان.
ڕادوێنو فەردایچ ئەرەیاۋناش دادگاو شۆڕشی بە سەرۆکایەتی دادوەر دەروێش گوفتاری سزاو جە قەنارەدایش سەرو جوانێوە کوردیرە بە نامۍ مەنوچەهر فەلاحیرە سەپنان کە بە مەڵامەتوو بەشداری جە شۆڕشو "ژەنی ژیۋای ئازادی"رە زینانی کریان.
ئەرەیاوېیا کە فەلاح جە زینانو ڕەشیدینە زینانیا و بە پاو مادەو ٦٨٧ و یاساو سزادای ئێرانی بە تۆمەتو "شۆڕشی و جەنگی چەکڎاری" سزاو جە قەنارەدایش سەرەرە سەپیان.
فەلاح جە تەمموزو ٢٠٢٣ ێنە جە فڕگەخانەو ڕەشیدینە باڵبەسکریا و جە مانگەو کانوونو یووەمینە بە تۆمەتەو "پرۆپاگەندەی دژو دۊڵەتی" و "سوکایەتی بە ۋەرپەرسا دۊڵەتی"، ٢٢ مانگۍ سزاو زینانیش سەرەرە سەپیابۍ.
ڕێکوزیاکۍ مافو مرۆڤی تەئکیدش مکەراوە ئی بڕیارە بەشێوەن جە سیاسەتو فشارو ئێرانی و داواشا جە گلېرگەی مېیاننەتەوەیی کەرد بێدەنگۍ نەبا.
