بە دیمەن

'تا دما نەفەس بەردەوامی بە مڎرامانوو تشرینی مڎەیمۍ'

سەرحەد ڕەقەو قەسەدەی ئاماژەش پانەیە کەرڎ کە مڎرامانوو تشرینی تاریخیا و جەختش کەردۊ کە دۊڵەتو تورکی و چەتەکێش نمەتاوا جە ۋەرا ۋەرو ئیرادەو جەنگەوانا قەسەدەینە وێشا گێرا.

سەرحەد ڕەقە

یۆ جە جەنگەوانا قەسەدەی کە جە مڎرامانوو بەنداوو تشرینینە بۍ، سەرحەد ڕەقە جە شارو ڕەقەی پەی ئاژانسوو هەواڵوو فوراتی (ANF)ی قسێش کەردۍ و باسش جە گرنگی مڎرامانی کەرڎ و واتش: "بڕۍ ڕووەدایۍ خاوەن قیمەتێوە تاریخیێنۍ و نمەبۆ جە یاڎ بکریا. پلانەکۍ دۊڵەتو تورکی جە دژو قەسەدەی، یەپەگەی و یەپەژەی سەرۍ نمەگنا".

'تا دما نەفەس بەردەوامی بە مڎرامانوو تشرینی مڎەیمۍ'

سەرحەد ڕەقە واتش: "حەرچڼە دۊڵەتو تورکی و چەتەکاش بە تەکنیکی وەڵێکۊتە هرووژم بکەرا نمەتاوا جە ۋەرا ۋەر بە ئیرادەو قەسەدەینە وێشا گێرا و نمەتاوا ئی مڎرامانەیە بماڕا. دۆڵەتو تورکی گرڎ چەکێوەش ڕادەسو ئی چەتا کەردەن، بەڵام چنی ئانەیچ ئیرادەما جە ۋەرا ۋەرو ئاڎیشانە سەرگنۆ. ئینە مڎرامانێوە فرە گۊرەن، ئیرادەو گەلی ئینا چا. تا ئاگەی نەوینی کەس نمەتاوۆ چنەش بیاوۆنە. مۆڕاڵ و قەرارداریێوە گۊرە هەن. پەشتگیری فرە گۊرە جە گەلەکەیماوە هۊرگېرمۍ و هەمیشە چنی گەلەکەیما بیمۍ. تا دما نەفەس بەردەوامی بە مڎرامانوو تشرینی مڎەیمۍ'.

'نمەتاوا بەیانە دلۍ خاکەکەیما'

سەرحەد ڕەقە ئاماژەش پانەی کەرڎ  کە جەنگەوانا قەسەدەی هێز و مۆڕاڵ جە گەلی هۊرگێرا و واتش: "جە تشرینەنە دژو گەلەکەیما هرووژمی فرە سەخت مکریۆ. دژمن بە گرڎ جۆرێوە هرووژما مکەرۆ سەر و ئینەیچ بی بە مەڵامەتوو ئانەی چڼین کەسۍ زامڎارۍ و گەشمەرڎۍ بانە، بەڵام سەرەراو ئانەیچ گەل جەنگەوانا ۋێشا بە تەنیا جیا نمازا. جارێوەتەر قەول مڎەیمۍ بە گەشمەرڎا و گەلەکەیما، گەلەکەیما پارێزنمۍ، ۋنەو گەشمەرڎاما سەرو زەمینیۆ جیانمازمۍ. تا قەترۍ ونیما مەنێ بۆ ئی مڎرامانە بەردەوام بۆنە. با دۊڵەتو تورکی ئەرەگیری عال بزانۆ کە قەسەدە جە مڎرامانی بەردەواما".