ئەندامەو ڕاوەبەرەو کۆمیتەو پەرەوەردەیی کۆنگرە ستارو هەرێموو فراتی، فریال تەمیە پێوەس بە گۆشەگیری سەخستو سەرو ڕابەرو گەلوو کورڎی عەبدوڵا ئۆجالانی و جەنگی ئەفسانەیی گەریلای جە دژوو ئەرەگیری قسێش پەی ئاژانسوو هەواڵوو فوراتی (ANF)ی کەردۍ.

**

جە سەرەتاو قسەکاشەنە تەمیە ئاماژەش پەنەیە کەرد کە فکر و فەلسەفەو ڕابەرو گەلوو کورڎی عەبدوڵا ئۆجالانی جە گرڎوو دنیێنە وەڵا بیەنۆ و واتش: "هەر ئینەیچ بیەن بە مۆتەکەو دەسەڵاتداری، پۊکەی ماوەو ٤١ مانگان گۆشەگیریێوە سەخت سەرو ڕابەر ئاپۆیرە سەپیان. مەبەسوو دەوڵەتو تورکی جە گۆشەگیری پەی جیاکەردەیۆ گەلی و ڕابەر ئاپۆیا. بەڵام با دەسەڵاتداری فرە عال بیاوۆنە چانەی ئێمە جە هەر ئاژێوەنەبۆ خاوەنداری جە فکرو ڕابەر ئاپۆی مکەرمۍ. پەنەوازا ئازاڎیی ڕابەر ئاپۆی مسۆگەر بکریۆ."

'مڎرامانوو گەریلای، دژمنش وستەن دلۍ زەلکاوەو شکسوو ۋێشۆ'

جە درێژەو قسەکاشەنە فریالە ئاماژەش بە مڎرامانوو گەریلای جە دژوو دژمنی کەرڎ و واتش: "گەریلا مڎرامانێوە بە حورمەت جە ۋەرا ۋەرو دژمنینە ڕاوەبەر مکەرۆ. مڎرامانوو گەریلای، دژمنش وستەن دلۍ زەلکاوەو شکسوو ۋێشۆ. بە بەکارئاوردەی گرڎ چەکێوە قەڎەغەکریای و کیمیای دژمن ئینا شکسەنە ۋەرا ۋەر بە گەریلای، ئی هرووژمۍ دژمنی ئانەی نیشانە مڎا کە گەریلا ۋەرا ۋەر بە هێزێوە ناتۆی جەنگ مکەرۆ. جەنگکەردەی گەریلای پەی مرۆڤایەتین."

'دیسان خیانەت ڕووەو ۋێش نیشانە مڎۆوە'

جە دمادمایی قسەکاشەنە فریال تەمیە سەرنجش وست سەرو خیانەتو پەدەکەی و واتش: "هەرپێسە چنی جە ساڵەو ١٩٩٢ێنە خیانەت ڕاوەبەر کریا، جە ئیساتێچەنە ڕووەو ۋێش نیشانە مڎۆوە. گەریلا جە ساڵەو ١٩٩٢ مڎرامانێوە گۊرەش ۋەرا ۋەر بە هێڵۊو خیانەتو پەدەکەی بەرد ڕاوە. گەشمەرڎە بێریتانە بە مڎرامانەکەیش بیە بە داستانێوە و جوابو فاشیزمی و هێڵۊو خیانەتیش داوە.

جە ئیساتێنە بنەیانەو بارزانی پېسە چنی جە وەڵتەرێنە کەردەنش، ئینا چنی دەوڵەتو تورکی و سنورەکێش پەی  کەردەنۆ. ئاشکران گرڎوو مەرامو دەوڵەتو تورکی پەی دلێنەبەردەی گەلوو کوردین، پەی ئانەیچ ئینۍ ئاژەو بەستەی پەیماننامەینە. پۊکەی ۋەرا ۋەر بە دژمنی و هێڵۊو خیانەتی فکر و فەلسەفەو ڕابەر ئاپۆی و مڎرامانەکۍ گەریلای پارێزنەرۍ کوردانۍ."