تاهیر دەمیرتاش تاتەو سەلاحەدین دەمیرتاشی، هامسەرۊکی وەڵینوو پارتی دیموکراوو گەلا (هەدەپە)ی، کە زیندانو تیپوو(ف)ۍ کۊجاعەلی-ینە، زیندانیی کریان، کۊچی دمایینش کەرد. سەرسەعبوو ئارۊی تاهیر دەمیرتاش شاروو ئامەدینە  کۊچی دمایینش کەرد و تا ئیساتۍ دیاریی نەکریان، کەی بەخاکی مسپارییۊ.  

تاهیر دەمیرتاش وەڵۍ ورچنییە گردینەکاو مانگەو ئایارینە تووشوو جەڵتەو دڵی بی. وەختێوە چێروو چارەسەرینە بێ، وەزارەتوو دادی بە فڕۊکەی تایبەت سەلاحەدین دەمیرتاشش ئارڎەبۍ ئامەد و دەمیرتاش سەرۍ تاتەیش داش. دماو سەرڎایەکەی، دەمیرتاش بە فڕۊکەی تایبەت دیسان فاڕیاوە پەی زیندانوو ئەدرنای.