بە پاو زانیاری سەرچەمە دلېینەییەکا، شەوەو ٢٧سەرو ٢٨و ئابی سەعات ٠١:٠٠پەی٠٢:٠٠ سوپاو تورکی ئەرەگیری ٢ تانکێش بە سواری تڕێلێوە جە دەروازەو سنووری سەرزێڕیوە فاڕێوە پەی ناوچەکا چێرو کۆنترۆڵو پەدەکەی.

بە پاو زانیارییەکا تانکەکۍ جە جاڎەی قیرتاوکریاو دلۍ ئامێدیوە فاڕیێنێوە پەی بەنداوو دێرەلوکی و چا بنەشا پنە وزیێنە.

بەنداوو دێرەلوکی ئینا سەرو ڕوبارو زێی گۆرەیۆ، کۊتەن مابەینو کەشەکا ۋەهاری و کوڕەژارۆی و ئینا مېیامینو ۋەرکۆتی و ۋەرنیشتوو زاپینە.

ئەرەیاۋییا کە تانکەکۍ بە هامکاری پەدەکەی یاویێنۍ هەرێمەکە، جە شۊنەماو بەنداوو دێرەلوکی و جە دۆڵەو رەشاڤاینە بنەشا پنە وزیۆ و جە دژوو مەڕەکا-سەنگەرەکا گەریلای بەکار بریا.

پەدەکە جە بەنداوو دێرەلوکینە بارەگاش بۍ و سەری ئاڎیشایچۆ سەروازا تورکی بنەشا وستێبۍ.