بەهادین عەبدوڵا، تاتەو ڕۆنامەنویسێ گەشمەردێ "هێرۆ بەهادین"ێ کە هیزی نزیکوو شارەکڵەو سەیدسادەقو سلێمانینە بە بوردومانوو دەوڵەتی ئەرەگیروو تورکی گەشمەردێ بییە، کۆنگرێوە ڕۆنامەوانییش گێرت.

کۆنگرە ڕۆنامەوانییەکەنە، بەهادین عەبدوڵا واتش"ئیدانەو ئا لایەنا مکەروو، کە دژایەتیی گەلوو کوردی و بەتایبەتی سلێمانیی مکەرا و دەسوو بەری مارانێ دلێ خاکوو کوردسانیوە، بە زەڕ و نەوتەو وێما رۆڵەکاما تیرۆرێ مکەرا، شەرم و مەردەین پەی دژەتیرۆروو پەدەکەی کە چەواشەکاری مکەرۆ.

داوایچ وەنەو نەتەوە یۆگێرتەکا و رێکوزیایەکاو مافوو ئینسانی کەردە، ئی کردەوا دژوو گەلوو کوردی قبووڵ نەکەرا، کە گرد ئاستێوەشا ویەرنان و چندین کەسێ پیسەو کناچەکێ من تیرۆرێ کریێنێ.