تەڤگەرو ئازادیی ژەناو ئێزدی (تاژێ) سنونێنە دژو سەردای ئەردۆگانی پەی بەغدای و هەولێری و هجوومو ئەرەگیرکاری پەی سەرو هەرێمەکاو پارێزنای مەدیای، ئەرەیاوناێوەش واناوە و هامبەشییش چەنی دەوڵەتی ئەرەگیرکەرو تورکی شەرمەزار کەرد.

"نمەبۆ عێراق بۆ بە هامبەشو ئەردۆگانی"

قسەکەرەو تاژێ ڕیهام حەجۆ سەردایەکەو ئەردۆگانی و هجوومە ئەرەگیرکارییەکاش پەی سەرو هەرێمەکاو پارێزنایی مەدیای شەرمەزارێ کەردێ، هجوومش پەی سەرو گەریلای پێسەو هجوومی پەی سەرو شەنگالی نرخنا، واتش: "فراوانبییەیی هجوومەکا چەنی ئامای ئەردۆگانی، مایێ شەرمەزارین پەی عێراقی".

ڕیهام بانگەوازش جە حکومەتو عێراق کەرد تێکەڵو پیلانەکاو دەوڵەتی ئەرەگیرکەرو تورکی نەبۆ، واتش: "داوا وەنەو عێراق مکەرمێ دەس نەوزۆنێ دەسو دەوڵەتو تورکیوە، شەنگال و پانیشتو کوردستانی بەشێوەنێ جە خاکو عێراقی. گردو یاگەکاو چێرو هجوومی بەشێونێ جە عێراقی. دەسپەنەکەردەی هجوومەکا چەنی ئامای ئەردۆگانی، بەرش موزۆنێ سەردایەکە خێرەش نییەنە و ڕێککەوتەێوی هەن".

"پێویسا هێزە سیاسییەکێ پانیشتنە، دژو هەرمانەو پەدەکەی بمردانێوە"

ڕیهام ئاماژەش کەرد بە سەردای ئەردۆگانی پەی هەولێری و ڕەخنەش جە ڕووەپۆشکەردەی قەڵاو هەولێر بە عەلەمەو دەوڵەتی ئەرەگیرکەرو تورکی گێرت، واتش: "پێویسا پارتە سیاسییەکێ و گەلو پانیشتو کوردستانی بێدەنگێ نەبا. پێویسا خەڵکو دهۆکی و هەولێری و زاخۆی هەڵوێست دژو پەدەکەی و دەوڵەتو تورکی نیشانە بدا. باوڕمان بە گەلەکەیما هەن، هجوومو سەرو پەکەکەی ماناو هجوومینە پەی سەرو بییەی کوردا. چونکوم پەکەکە بییەی و شناسنامەو کوردا مرمانۆوە".   

ڕیهام داوای لە حکومەتی باشوور و عێراق کەرد لەسەر دەرکەردنی بنکە سەربازییەکانی تورک ڕێککەوتن بکەن، جەختی کەردەوە بێگومان بەرخۆدان سەردەکەوێت، گوتی: "بێگومان بەرخۆدانمان بەردوام دەبێت و سەردەکەوین. هەرگیز سەر بۆ دوژمن نەوی نمەکەرمێ، خاوەنی ئەم خاکەین، ژنانی شەنگال هەرگیز سەریان نەوی نەکەردووە، شەنگال بە ڕەنگ و بوێری ژنەوە بەرخۆدان دەکات".

ڕاگەیاندراوەکە بە درووشمی "بژی بەرخۆدانی گەریلا" و "بژی بەرخۆدانی شەنگال" و "ژن، ژیان، ئازادی" و "بمرێ خیانەت" کۆتایی هات.