بە سەرمەشقایەتیی یۆبییەی ژەنە گەنجاو ڕەقە و تەبقە و مەنبەج و دەیرەزۆری دەیا ژەنێ کانتۆنوو تەبقەینە و ئەنداماو کۆمەڵەو ژەناو زنوبیای و نوێنەروو ئیدارەو وێراوەبەری و پارتو سوریای ئایندەی و ئەنداماو هێزەکاو ئاسایش-ژەنی، دژوو گۆشەگیریی سەروو ڕابەروو گەلوو کوردی عەبدوڵا ئۆجالانی ڕاشا پیما.

ڕاپیمایەکە گەڕەکەو یوەموو شاروو تەبقەینە دەسش پەنە کەرد و ژەنی دروشمێ " بێ سەرۆکی ژیوای نمەبۆ" و "بوڕیۆ فاشیزم"یشا بەرزێ کەردێوە.

ژەنی تا ناوەندوو یۆبییەی وانیارە دیموکراتیکا گەڕەکەوی دووەمەنە ڕاشا پیما، چا هامسەرۆکەو نویسگەو گەنجا و وەرزشوو کانتۆنوو ڕەقەی، بوشرا ئەلنایفە بەنامێ یۆبییەی ژەنە گەنجاوە قسێش کەردێ.

نایفە واتش: " ئارۆ پەی پەشتیوانی وەنەو هەڵمەتەی میاننەتەوەیێ پەی ئازادیی ڕابەر عەبدوڵا ئۆجالانی و دەسوستەی ئازادیی جەسەییش ڕاما پیما".

نایفە ئەرەیاوناش بۆنەو ئەرەمەنەیەکاو ڕابەروو گەلوو کوردی عەبدوڵا ئۆجالانیوە، گەلێ بندەسێ و ژەنی جە ستەمی و چەوسنایوە نەجاتشا بییەن و واتش:" ژەنی سەروو ڕاو ئەرەمەنەیەکاو ئادیوە، گردوو بوارەکانە یاگێ وێشا گێرتێنەشا".

نایفە واتش تا ئازادیی جەسەیی ڕابەروو گەلوو کوردی عەبدوڵا ئۆجالانی بەدەس ناەمێ کۆشیای گەورە مکەرا، واوەی سڵامش وەنەو مدرامانوو یەژاستاری و هەپەگەی دژوو دەوڵەتوو تورکی ئەرەگیری کەرد.

نایفە وەعدش دا تا ئازادیی جەسەیی ڕابەروو گەلوو کوردی عەبدوڵا ئۆجالانی مسۆگەر نەکەرانە درێژە بە کۆشیای مدانە.