تەجەشە، ۋەرا ۋەر بە هجوومی ڕەگەزپەرسی جە بەلجیکانە ناڕەزایەتیش نیشانەدا و داواش جە گەنجا کەرد کە ۋێشا جە هجووم و فاشیستا پارێزنا و نەگنا داموو ئاژاوەگێڵنیۆ و حەرپاسە داواو بەشداری کەردەیش جە ۋێنیشانداکەو برۆکسلینە کەرد.
جمیەروو گەنجا شۆڕشگێڵنی (تەجەشە)ی سەبارەڎ پا هجوومە ڕەگەزپەرسیە کە جە بەلجیکانە دژوو کوردا جە وەختوو گێڵایۊیشانە جە مەراسیموو نەورۆزینە ئەنجامدریا و جە ئاکامەنە ٦ کوردۍ بە سەختی زامڎارۍ بیۍ، ئەرەیاۋنێوەش وەڵا کەردۆ.
جە ئەرەیاۋناکەینە ئامان، "دەوڵەتی مرۆڤکوژوو تورکی جە ڕاو هجوومی فاشیستیی چەتە ڕەگەزپەرسەکاشۆ بەلجیکانە ٦ کەسێش جە گەلەکەیما زامڎارۍ کەردۍ و نیازش بۍ بنەیانێوە وڵاتپارێزیما سۆچنۆ. نەورۆز بە مزانی چەکی دژە درۆنی جە تەرەفوو گەریلاکاوە جە گرڎ شۊنێنە پیرۆز کریا و جە گرڎ کوچەو کەنارۍ جەهانینە زەماۋنەشا پۍ گێڵنا، ملوێنان کوردۍ بە ڕۆحوو مدرامانی نەتەوەیی و حەماسەتوو نەورۆزیوە جە دەوروو یۊی کوۍ بیێوە، دەسەڵاڎداری فاشیستی ئاکەپە-مەهەپە پا سەرکەتەو گەریلای شپرزبی و دلۍ دلێڕاسەو ئەوروپاینە دەسش بە تیرۆری فاشیستیانەی کەرد، گەنجاو وڵاتپارێزوو کوردی جە هەر شۊنێنە با پێویسا ۋێشا جە هجوومی فاشیستی پارێزنا، بەبێ ئانەی گنا دلۍ داوەو ئاژاوە گێڵنیوە و جە ۋەرا ۋەروو هەر جۆرە هجوومێوەنە ئامادەییشا بۆ.
جە ئەرەیاۋناکەینە ئاماژە پانەی کریان کە ئاڎۍ بە ۋەرفراوان کەردەی کۊشیای و وەرگیریکەردەی جە ۋێشا جوابوو هجوومە ئاژاوەگێڵنیەکا مڎاوە.
تەجەشە، داواش جە گرڎوو کوردا کەرد کە جە ٢٥و ئادارینە سەعات ١٢:٠٠ ۋەروودەم و پەرلەمانوو ئەوروپاینە بەشداریی ۋێنیشاندای بکەرا.
