نیشانگەکەنە ٥٤ تابلۆێ تایبەتێ بە کولتوور و گەریلای و سروشتوو کوردی نیشانە دریێ. بەشداربیێ نیشانگەکەی قسێشا پەی ئاژانسوو ئەنەفەی کەردێ. 

 مامۆسا و ڕاوەبەروو بەشوو ڕسم و کەلتوور وهونەروو باقی خدۆری نۆرهان جمۆ واتش، حەرتەلەبێوە بە شێوازوو وێش هەستوو وێش ئاردەن زوان و ماچۆ "ئێمە ئینایمێ دلێ نەتەویوە فرەینە، یانێ نەتەوەی دیموکراتیک، حەرنەتەوێوە ڕەنگەو وێش بە هونەرەکەیش، هەستوو وێش بەر وزۆ. یانێ پێوە بیمێ یەک ڕۆح، یەک دڵ، یەک ڕەنگ. ئینە چوارەمین نیشانگەو ئێمەن، کە ٥٤ تابلوێ گێرۆ وێش، حەر تابلوێ هەستوو تەلەبەکا نیشانە مدۆ." 

 جیهان شاهینە باسوو تابلۆکەیش کەرد، کە دلێشنە یەپەژە و فەرهاد دێریک و جلوبەرگی کوردییش نەخشنان و ماچۆ "ماوەو یەرێ ساڵان بەشداریی بەشوو تابلۆکێشتەی کەروو.  تابلۆکە بە گردی تایبەتا بە کولتوور و گلێرگەو ئێمە، بەرهەمەکێش ٣ تابلۆێنێ، گەشمەردە فەرهاد دێریک، کە بێ  مردای کۆشیا، گەشمەردەبییەیش کاریگەرەش کەردا، واتم بە تابلۆیێ یادش کەرووە." 

جیهان شاهینە باسوو مدرامانوو  یەپەژەینە دژوو داعشی واتش، گەرەکم بێ بە نەخشناێوە سڵام کەروو وەنەو ئا مدرامانی.  

  تابلۆکێشە سیهام مستەفا ئاماژەش پانەیە کەرد، کە پەی جاروو دووێ بەشداریی نیشانگەکەینە کەرۆ، ماچۆ، "دماو ئانەیە بەشوو تابلۆکێشتەیم پەیمانگەنە تەمامنا، ڕووەم کەردە کولتوور و هونەروو باقی خدۆری. ئیساتێ دوێ تابلوێم ئامادێ کەردێنێ و حەریۆشانە چیرۆکێوەم نەخشنێنە "،  یوەم تابلۆم تایبەتا بە مۆسیقای، ئەویچ سەروو کولتووری کۆنی کوردیین".  

س.ز