TMMOB: پاڵپەشتی جە هەنگامەو گفتوگۊی و چارەسەری مکەرمۍ
لوجنەکۍ هەماهەنگی شارەکاو یۊبیەی ژوورو ئەندازیارا بیناسازی تورکی (TMMOB) جە ئامەدەنە کوۍ بیێوە و ئەرەیاۋناشا پاڵپەشتی جە هەنگامەو گفتوگۊی و چارەسەری مکەرمۍ.
جە بیناو ژوورو ئەندازیارا بیناساسی ئامەدینە ئەرەیاۋناکەی ۋنیاوە، واتەواچو TMMOB دیار کوت ئەرەیاۋناکەش ۋەناوە.
کوت ئەرەیاۋناش ڕاو چارەسەری جە سوریانە بە ئیدارەو گەلارە موېیەرۆ و تەئکیدش کەرڎۆ کە سیاسەتو تورکیای جیای چارەسەری و ئاشتی، پرسو کوردیش کەردەن بە پرسێوە مېیاننەتەوەیی.
کوت ئەرەیاۋناش بەڕێزۆ تەماشەو هەوڵەکا پەی چارەسەری ئاشتیانەی و دیموکراتیکی مکەراو، واتش: "جە لېوە قەیوم منریۊرە، دژو کوردا جە ۋەرنیشتەنە ئۆپەراسیۆنی سەروازی ئەنجام مڎریۆ، جە لېوەتەرۆ باسو ئاشتی مکەرا. ئینە گلېرگەی نارەحەت مکەرۆ. پېسە پلاتفۆرمو کۆردیناسیۆنو TMMOB داوا مکەرمۍ تورکیا جە سوریانە پاڵپەشتی جە کوردا بکەرۆ، دمایی بە نیایرەو قەیومی بارا. ئێمەیچ پاڵپەشتی جە هەنگامەکا چارەسەری و گفتوگۊی مکەرمۍ".
