هه‌واڵی به‌په‌له‌: لە کاتێکی نزیکدا بانگەوازییەکی مێژوویی ڕێبەر ئاپۆ لە ANF بڵاودەکرێتەوە
بە دیمەن

تەرمو شادی عەبدوی گەشمەرڎەو مڎرامانوو منبجی ئەسپەرڎە بە خاکی کریا

تەرمو جەنگەوانو قەسەدەی گەشمەرڎە شادی عەبود، کە جە مڎرامانو منبجینە دژ بە هرووژمو چەتەکا سەر بە دۆڵەتو تورکینە گەشمەرڎە بی، بە مەراسیمێوە جە کانتۆنو ڕەقەی ئەسپەرڎە بە خاکی کریا.

مەراسیمو ئەسپەردەکەردەی گەشمەرڎەی

بە مەراسیمێوە جەماوەری تەرمو جەنگەوانو قەسەدەی گەشمەرڎە شادی عەبود، کە جە مڎرامانوو منبجینە دژ بە هرووژمو چەتەکا سەر بە دۆڵەتو تورکینە گەشمەرڎەبی. بە ئاماڎەبیەی خەڵکو ڕەقەی و ئەنداما ئەرەمەرزیا سەروازیی و مەدەنییەکا، جە قەبرسانو گەشمەرڎا دەگاو حکومینە ئەسپەردە کریا.

دماو دەیەقێوە ڕێزگێرتەی، جە مەراسیمەکەنە ئەندامو ئەنجوومەنو سەروازی ڕەقەی، عەبدۆ ئەحمەد دماو سەرەوەشی جە بنەیانەو گەشمەرڎەی واتش: "ئینایمۍ قۆناغێوە هەستیارەنە، جە دژو خیانەتو دلێینەی مردێنمێوە. گەلێنمۍ هۊرگێرۍ شارستانیەتۍ هەزار ساڵەیینمۍ و درێژە بە ئەرەکۊشایما مڎەیمۍ پەی خاکی و خەڵکیما."

دماتەر فادی عەبدۆی براو گەشمەرڎەی، بە نامۍ بنەیانەکەیشۆ قسێش کەردۍ و واتش: "قەول مڎەیمۍ پېسە چنی چەتەکۍ داعشیما ماڕۍ، پا جۆرەیچە چەتەکا دۊڵەتو تورکی ئەرەگیری و پەشتیوانەکاشا ماڕمۍ."

دماو قسەکا، بەڵگەنامەو گەشمەرڎەی ۋنیاوە و ڕادەسو بنەیانەو گەشمەرڎەی کریا.

جە دماینە تەرمو گەشمەرڎەی بە واتەیۆ درووشمۆو "گەشمەرڎۍ نمەمرا" ئەسپەرڎە بە خاکی کریا