تەڤ-چاند: دژوو هجومەکا قڕکەردەی مجیەیدېرە مېڎانەکا
تەڤگەروو چاندی کورڎی ئەوروپای ئەرەیاۋناش، کۆکوژی دژوو گەلوو کورڎی ئەنجام دریۊ و داواش کەرڎە ، " دژوو ئی دڕنڎەییە هەڵوێست هۊرگېرا و جە گرڎ یاگېنە مجیارە مېڎانەکا".
تەڤگەروو چاندی کورڎی ئەوروپای (تەڤ-چاند) داواش جە گەلی و هونەرمەنڎا کورڎی کەرڎ جە ۋەران ۋەروو هجومە قڕکەرەکا دەوڵەتوو تورکینە مرداوە.
بانگەوازەکە پۍ گەلوو کورڎی و گرڎوو هونەرمەنڎا پی جۊرەنە:
"دەوڵەتوو تورکی نەژادپەرستی و قڕکەری، بە بەهانۍ چالاکییەکەو ئەنقەرەی، چن ڕوېن بە ئۆپەراسیۆن و قڕکەردەی سیاسی سەڎان کەسېش دەسبەسەر کەردېنۍ و بە ئەشکەنجە ۋنەپەرسایۊشا چنی کەرا.
وەختۍ جە پانیشتوو کوردسانی ۋەروو دەموو گەریلاکانە شکسشان ئارڎ، هجومی کیمیاۋیشا کەرڎ. جە سەرسەعب و ئارۊیۊ گرڎوو شار و شارۆچکڵە و دەگاکا ۋەرنیشتوو کوردسانی بە فڕۆکەی جەنگی بۆردومان کریۍ. چا هجومانە دەیان هاموڵاتیۍ مەدەنیۍ گیانشا جەدەسدا و سەڎان هاموڵاتیۍ مەڎەنیېچ زامڎارۍ بیۍ. یاگۍ ژیوای هاموڵاتیا مەڎەنی وێران بیەن، قڕکەردەی بەجەم دژوو گەلوو کورڎی ئەنجامدریان.
جارێوەتەر ئەرەیاۋنمېش؛ دەوڵەتوو تورکی حەرچیېوە واچۊ، ئی جەنگە دژوو پەکەکەی نییا، دژوو گرڎوو کورڎی و کوردسانیا. داوا جە گەلەکەیما و گرڎوو هونەرمەنڎا کەرمۍ هەڵوێسشا بۊ ۋەران ۋەر پی دڕنڎەییە و جە گرڎ یاگېنە مجیارە مېڎانەکا".
