تەڤ-چاندو ئەورووپا بە بۆنەو ساڵیاڎو گەشمەردەبییەی یەکتا هەرەکۆڵی و خەلیل داغیوە ئەرەیاوناێوەش وەڵا کەردۆ.

ئەرەیاونایەکەنە ئامان، "ئارۆویسەمین ساڵیاڎو گەشمەردەبییەی هونەرمەندی شۆڕشگڵێنو شانۆگەریی گەلەکەیما یەکتا هەرەکۆڵین، کە ٢٧ ئادارو ٢٠٠٤  شارو حەلەبینە چالاکیێوە فیداییش کەرد و گەشمەردە بی، بەڕێزدارییوە یاڎش کەرمێوە، گەشمەردە یەکتا لاو تەڤگەرو چاندی و هونەریوە پێسەو 'خەتەو هونەرییەو ئێمە' مشناسیۆ، هەمان وەختنە شۆڕشگێڵنیوە بێ پەڕ جە وانەی چەنی ژیوای و هونەرەکەیش."

ئەرەیاونایەکەنە ئامان، "یەکتا هەرەکۆل ساڵەو ١٩٦٨ خوزادنە جە دێرسیمنە  پەیدا بییەن، زانکۆو گازو ئەنقەرەینە وانانش، دمایی بەشداریی ڕیزەکاو تەڤگەرو ئازادیی کوردستانیش کەردەن، هەرێمەکاو گەریلاینە، یۆنان، ڕۆمانیا، ڕووسیا، کامپی مەخمووری و وەرنیشتو کوردستانی و حەلەبنە داستانەو شانۆکەیش نویستێنە، پێشکەشەش کەرڎێنە. دورو چندین کارەکتەرا پێسەو پیر سوڵتان تا کاوەی ئاسنگەریش دییەن.  

یەکتا هەرەکۆل گرنگیێوی فرەش پا  ئەرەمەرزیایە دا. ساڵەو ٢٠٠١ بی بە یۆ جە ئەرەمەرزناو مەکتەبی کولتووری هونەریی گەشمەردە سەفکانی هەرێمەکاو پارێزنای میدیای. چی مەکتەبنە فرەو گەریلاکا  بوارەکاو سینەما، مۆسیقا، شانۆ، فۆتۆگرافی و شیعرێنە ئەرەئاردەیشا پەنە کریا و بەرهەمی گەورەشا خوڵقنا.

ئەرەیاونایەکەنە ئامان، کە یاڎو گەشمەردە یەکتا هەرەکۆلی ویر نمەکریۆ" وەرنیشتیچنە شۆڕش سەرەش وردا، گەلەکەما وەرنیشتو کوردستانینە ئەکادیمیای هونەری بە نامێ یەکتا هەرەکۆڵیوە ئەرەمەرزنا. چا وانیارێ فێرو مۆسیقا، سینەما و شانۆ و گۆرانی و ڕسمگێرتەی بانێ و سەرو شۆڕشو وەرنیشتیوە پەروەرڎێ با، گرد ساڵێوە ٢٧ ئادارینە فێستیڤاڵێوە شانۆییش بە نامێ گەشمەردە یەکتایۆ ساز مکەرا.

سەدەو ویسەمینە، کولتوور و شناسنامەو کوردی بە ئاسمیلەکەردەی و کۆکوشییوە دلێنە شی. هونەرمەندێ شۆڕشگێڵنێ پێسەو یەکتا هەرەکۆلی هەوڵێ پارێزنای شناسنامەو کوردیشا دان، نوێنەرایەتی کولتووری شۆڕشگێڵنیی تازە و مدرامانشا کەردەن. ئێمە پێسەو خەباتکاراو کولتووری و هونەری ئی ڕێ بەردەوام مکەرمێ.

یاڎو گەشمەردە یەکتای و گەشمەردە بارانی، گەشمەردە ساریای، گەشمەردە هێڤی، گەشمەردە ڕێزان، گەشمەردە زەردەشت و گەشمەردە داخستان و گردو گەشمەرداو شۆڕشی یاڎێ کەرمێوە.

پی بۆنەوە ڕۆو جیهانیی شانۆینە، بەتایبەتی جە گەشمەردا و سەرجەم خەباتکاراو هونەری شانۆی مەبارەک مکەرمێ.

درێژەو ئەرەیاونایەکەینە، سەبارەت بە گەشمەردەبییەی خەلیل داغینە ئامان "دماو پەنج ڕوا، پاڵەوان و دۆسو کەشەکا، هونەرمەندی شۆڕشگێڵن خەلیل داغ (ئوساڵ)، 1و نیسانو ساڵەو ٢٠٠٨، مەنتێقەو بەستاو بۆتانینە، جە هجووموو تۆپخانەکانەو تورکیاینە گەشمەردە بی.

خەلیل داغ  ساڵەو ١٩٧٣ پەیدا بییەن، ئیزمیر و ئەڵمانیانە گەورە بییەن. ساڵەو ١٩٩٥ پێسەو کامێرامانی بەشدارو کەشەکاو کوردستانی بۆ و تا گەشمەردەبییەی کۆشیای ئازادیوازانەو کوردستانی تۆمار کەرێ.

ئەرەیاونایەکەینە ئامان، "تایبەتمەندیێوە تەری گرنگو خەلیل داغین بوارو سینەمێنە، ئەرەمەرزنەر و بەرئاوەرو فیلمەکاو تیرژ، ئەینکا بێژنە، فرمێسکێن ئاڤا زێ، بێریتان، دەما ژن هێز بێکە و نهێنییەکاو ڕوخساریما بێ.

ئاخرو بەیاننامەکەینە، کەسایەتیی یەکتا هەرەکۆڵینە و خەلیل داغینە گردو گەشمەردا یاڎێ کریێوە.