تەڤ-دەم جە دژوو هجومە ئەرەگیرییەکا بانگەوازش ئەرەیاۋنا
تەڤ-دەم جە دژوو هجومە ئەرەگیرییەکا دەوڵەتوو تورکی ئەرەگیری و پەی حێقمکەردەی یۆگێرتەیی بانگەوازێوەش ئەرەیاۋنا.
جمیەروو گلېرگەو دیموکراتیکی (تەڤ-دەم) سەبارەڎ بە هجومەکا دەوڵەتوو تورکی ئەرەگیری ئەرەیاۋنېوەش وەڵاکەردۆ.
جمیەرەکە جە ئەرەیاۋناکەینە باسش چانەی کەرڎەن، "دەوڵەتوو تورکی ئەرەگیری بەردەواما جە هجومەکاش دژوو چېرخانوو ئابووری سەرنیشت و ۋەرکەوتوو سوریای، ئەرەمەرزییاکا کەرتوو پەروەردەی، تەندروستی و وێسگە و پاڵاوگەکا نەوتۍ . ئامانجوو ئا هجووما دلېنەبەرڎەی بناغەکا ژیۋای، ڕاگێرتەین جە وەڵۍ کۊتەی سیستموو دیموکراتیکی هەرێمەکەی".
جە درێژەو ئەرەیاۋناکەینە تەڤ-دەم ئاماژەش پانەی کەرڎەن، کە دەوڵەتوو تورکی بە مەڵامەتوو ئەقڵیەتوو نکۆڵیکەرانەو وێشۆ کە مافەکا پێکئامایەکا تەری بە ڕسمی مەشناسۆ، هجوم کەرۆ سەروو هەرێمەکەی.
جمیەروو گلېرگەو دیموکراتیکی (تەڤ-دەم) هجومەکۍ دەوڵەتوو تورکی و دووڕوویی ئەنجومەنوو ئاسایشوو نەتەوەیۊگێرتەکا و رێکوزییا میان نەتەوەییەکێش شەرمەسار کەردۍ، کە جە ۋەران ۋەر و تاوانەکا دەوڵەتوو تورکینە بێدەنگېنۍ.
جە دما دمایی ئەرەیاۋناکەینە تەڤ-دەم داواش جە پېکئامایەکا هەرێمەکەی، هێز و پارتەکا، ڕێکوزیاکا گەنجا و ژەنا و رێکوزیا مەدەنیەکا کەردەن کە جە ۋەران ۋەروو هجومەکانە یۆگێرتەیی وێشا حێقمتەر و بەقووەتتەر کەرا.
