دەسەو ڕاوەبەریی تەڤگەرو ئازاڎیی گلێرگەو کورڎسانی بە بۊنو جەژنەو ڕەمەزانیوە پەیامێوەش وەڵا کەردۊ  و ماچۊ: "بە بۊنەو جەژنەو ڕەمەزانیوە، مەبارەکبایی وەنەو ئەداو گەشمەردا، زیندانییاو دۊزی ڕەواو گەلو کوردی حەر چوار بەشو کورڎسانینە و کۊشەراو ڕاو ئازاڎی و دیموکراتی مکەرمۍ. هومێڎ مکەرمۍ ئی جەژنە مەبارەکۍ، پەی گەلەکەیما بۊ بە مایۍ ئاشتی و چارەسەریی پەی سەرجەمو کێشە و قەیرانەکا، هەرپاسە دماییئاردەی ستەمی و ئەرەگیرکاری بۊ".

تەڤگەرو ئازاڎیی ئەرەمیاونۊش گەلو کوردی بۊنەو سیاسەتو دەوڵەتە فاشیستا و ئەرەگیرکەرا و دەسەڵاتی وابەسەو ئەرەگیرکەراوە بە ڕەوشێوی ناهەمواررە مویەرۊ و ماچۊ: "حەروەختێو زیاتەر پێویسما بە ھامکاری و گیانو واڵە و برایی و یۊگێرتەیی هەن".

تەڤگەرو ئازاڎیی تیشکە وزۊ سەرو هەوڵە جەنگوازییەکا و هجومو دەوڵەتی ئەرەگیرکەرو تورکی پەی سەرو دەسکەوتەکاو کوردی و ماچۊ: "گەلو کوردی و بەتایبەتی پانیشتو کورڎسانی، گەل پەشتی بە ھێز و ئیرادەو وێش ببەسۊ، ئەزموونو یۊگێرتەیی و پاگێرتەیرەی گەلی ورچنیەیەکاو سەرنیشتو کورڎسانینە بەرشوست کە یۊگێرتەیی و پاگێرتەیرەی سەرو مافەکاما گەرەنتیی سەرکەوتەیمانە".

تەڤگەرو ئازاڎی هومێڎو قبووڵبییەی ڕۊچۍ و دۊعاو گرد لایۍ موازۊ و ماچۊ: "موازمێن ئاشتی و پێوژیوای، یاگۍ جەنگی و ئەرەگیرکاری بگێرۊوە و حەق سەرو ناحەقیرە سەر بگنۊن، پەوکای چێگەوە ماچمۍ جەژنەو ڕەمەزانیتا مەبارەکە بۊ".