هیزی شاندێوە تەڤگەروو ئازاڎیی گلێرگاو کوردستانی بەغدانە سەرۍ فایەق زێدان سەرۊکوو ئەنجومەنوو داڎوەریی عێراقیشا دا.

شاندەکە هامسەرۊکی گردینوو تەڤگەروو ئازاڎی تارا حسێنە، وەرپەرسوو لوجنەو دیپلۊماسیی جومعە کەریم و وەرپەرسوو ئۊفیسوو تەڤگەروو ئازاڎی بەغدای حسێن کەرکوکیی بێنێ.

بە پاو زانیارییەکا چەمپەنەکەوتەکەینە، هەردوی لۍ باسشا جە پاشێلکەردەی یاسایی لاو دەسەڵاتدارە یاساییاو هەرێموو کوردستانیوە وەراوەروو ئازاڎیوازا، تەڤگەروو ئازاڎی، چالاکۍ و تەماموو بەشە جیاوازەکاو هەرێموو کوردستانی کەردەن.  

هەرپاسە بابەتێوە تەروو چەمپەنەکەوتەکەی پەیوەندییش بە دۊخوو مامۊسایا و مووچەوەراو هەرێموو کوردستانی و یەرە مووچەو مانگەکاو وەڵۍ بییەن.

لە چەمپەنەکەوتەکەینە چەنی فایەق زێدانی باسوو پاشێلکارییەکاو دەوڵەتوو تورکی ئەرەگیری سەروو خاکی و عاسمانوو عێراقی کریان.

هەرپاسە فایەق زێدان واتەنش، تەڤگەروو ئازاڎی پارتێوە یاسایی و فەرمیین کۊمیسۊنوو باڵاو ورچنیەیەکاو عێراقینە و وەروو ئانەیە هەر یاگۍ عێراقی و کورستانینە هەرمانەو وێش کەرۊ. سەرۊکوو داڎوەریی گردینی ئاماژەش پانەیە دان حەر پاشێلکاریێوە وەراوەروو ئەنداماو تەڤگەروو ئازاڎی کریۊ  قۊرتۍ پەی هەرمانەکاشا نریارە نایاسایین.