ھجومۍ پۍ سەرو تەیارەخانەو میان نەتەۋەیی سلێمانی ئەنجامدریا. ھەڵای بە شێۋێۋی ڕەسمی تەرەفی ھجومکەر ئاشکرا نەکریان، بەڵام باس چانەی کریۊ کە ئا ھجومە جە تەرەفو دۊڵەتو ترکی ئەرەگیریۋە ئەنجامدریان.

تەڤگەری ئازاڎیی بەمەبەسو شەرمەسارکەرڎەو ھجومەکەی داواش جە گرڎو هێزە سیاسیەکا  و گەلوو کورڎی کەرڎ کە دژوو ھجومە ئەرەگیریەکا مرڎاۋە.

*ناڕەزایش ۋەران ۋەر بە قسەکاو پەدەکەی نیشانە دا

تەڤگەری ئازاڎیی سەرنجش وست سەرو ئەرەیاۋناکەو پەدەکەی جە لایەن و جوتیارعادل-یۊ کە حەق بە ھجومە ئەرەگیریەکەی بەخشۊ و ئەرەیاۋناش، "قسەکەرو حکومەتی ماوە سەرەرە ۋیەرڎە و ھەرێمی، جیای شەرمەسارکەرڎەو ھجومەکەی، پېسە گرڎ جارێۋە حەقش دان بە ھجومەکەی و ئۊباڵەکەش وستەن ملو سلێمانی،  بێگومان ئا ھەرمانە ترسنۊکانۍ داڎشا مەڎۊ، سیاسەت و ۋۍ بەستەیۊ بە ئەرەگیراۋە پېسە سیاسەتو تاڵانکەرڎەو نەوتەو کورڎسانی شکست مارۊ".

دەقی ئەرەیاۋناکەی:

بۊمبوۋارانو تەیارەخانەو سلێمانی ھەرمانێۋە دوژمنکارانەن و پاشێلکاریێۋە گۊرەن

قەرارو وستەیرەی عاسمانو تورکیای ڕوۋەو تەیارەخانەو مەڎەنی سلێمانی جە حەفتەی ۋیەرڎەنە و جە هەمان ۋەختەنە بە ئامانج گېرتە و بۊمبۋارانو نزیک بە تەیارەخانەو سلێمانی جە ڕۊو ٧و نیسانو/٢٠٢٣ ھەرمانېۋە دوژمنکارانەن و پاشێلکاریێۋە گۊرە و ئاشکران پۍ سەرو سەروەری خاکو عێراقی و هەرێمو کورڎسانی، پۊۋەبیەی لایەنۍ ئەمنی دلېنەی چا کرڎەوەنە، خیانەتێۋی ئاشکرای نیشتمانین و جە ڕوو یاسایی و ئەخلاقییوە چنە بەرشیەیش باجێۋی قورس بۊ، ئەردۊغان جە دڵە تەپۍ و تەرسەو دلێشیەو ۋێشەنە جە ھورچنیاکا ئێساڵینە ئەگەر ۋەرش ۋنە نەگیریۊ پەنا پۍ گرڎ ھەرمانېۋی مەترسیڎارۍ بەرۊ، تەنانەڎ جە ئەگەرو نزیکبیەیۊ جە جە دەستداو دەسەڵاتەکەیش دوور نییا کۊکوژی کورڎا ئەنجام بڎۊ.

ئێمە جە تەڤگەری ئازاڎیی جە ۋەختېنە بەتنی ئیڎانەو ئا ھجوم و پاشێلکارییە ناڕەوایە مکەرمۍ پۍ سەرو ئارامی شارو هەڵمەت و قوربانی، داوا مکەرمۍ گەلوو هێزە سیاسییەکۍ پېۋەرە مرڎا پۍ جە قەبرنیاو ۋەرمو ئەرەگیرا و نۊکەرەکاشا، یاگۍ ۋێشەنە چنی ئیڎانە کەرڎەو ھجومو دوژمنانە، ئەرەیاۋناو حکومەتی ماوە سەرەرە ۋیەرڎەو هەرێمیچ جە زوۋان و قسەکەرەکەیشۊ شەرمەسار کەرمۍ، کە جیای ئیڎانە کەرڎەو ھجومکەرا پېسە پیشەو گرڎ ۋەختێش پاساوۍ پۍ ھجومەکەی ماراۋە و هەڵۋێسی بەرزو نیشتمانی و نەتەۋەیی سلێمانی ۋەرپەرسیار مکەرا، بێگومان ئا کرڎەوە ترسنۊکانۍ داڎشا مەرۊ، سیاسەتو ۋێبەستەیۊ بە ئەرەگیراۋە پېسە سیاسەتو تاڵانکەرڎەو نەوتەو کورڎسانی شکست مارۊ

تەڤگەری ئازاڎیی گلېرگەو کورڎسانی

دەسەو ۋێڕاۋەبەرایەتی

هـ . ش