پارتو یەکسانی و دیموکراسیی گەلا (دەم پارتی) جە چوارچێوەو "گلېرۊبیەکا نان، دادپەروەری و ئاشتی" چنی ڕێکوزیاکا گلېرگەی مەدەنی ئەدەنەی گلێر بیۆ. هامسەرۆکۊو گرڎینەو دەم پارتی و هامسەرۆکۊو گرڎینەو هەدەپەی سوڵتان ئۆزجانە و فرەو کەسا بەشدارۍ بێنۍ.

تولای حاتەم ئۆغۆللاریە سەرنجش وست سەرو پێشئامایەکا ۋەرکۊتوو مېیامینی و ئەرەیاۋناش ئیدارەو ۋېڕاوەبەری سەرنیشت و ۋەرکۊتوو سوریای ئینا چېرو هەڕەشێنە و ناڕەزاییش ۋەرا ۋەر بە هرووژمەکا هەتەشەی پەی سەرو عەلەوییەکا بەربڕی و واتش: "مزانمۍ ۋەرا ۋەر بە گرڎو بەشەکاو گلېرگەی قڕکەردەی گۊرە و هرووژمۍ هەنۍ. پەنەوازیما بە ئاشتییا. چونکی جەهان ڕووبەڕوو جەنگېوە گۊرەی بۆوە".

سڵام جە پەیامەکاو ڕابەر ئاپۆی کریا

تولای حاتەم ئۆغۆللاریە سەرنجش وست سەرو دیدارەکا ئیمراڵی و پەیامەکاو ڕابەر ئاپۆی، واتش: "ئېژا ئۆجالان واتەنش "ڕەنگە هەوڵبڎا گرڎ شۊنۍ بکەرا بە غەززە، نمەبۆ ڕا پینەی بڎەیمۍ. پۊکەی مشۊم پەی ئاشتی دلېینەی هەنگامەی پەنەوازە و ڕۊسنە بنریۆ. مشۊم گرڎما پېوەرە ئینەی بکەرمۍ. ۋەرا ۋەر پی ڕووەدایا، جگە جە ئاشتی ڕیوەتەرە نییەنە". مشۊم گۊش دارمێنە قسەکاو ئێژا ئۆجالانی دەربارەو دیموکراتیکبیەی".

ناڕەزایی ۋەرا ۋەر بە هرووژمەکا

جە دمادماینە ئەرەیاۋناش ئاڎۍ ئینۍ چنی ئاشتی و چارەسەری کوردا و پەی ئینەیچ ئاماڎۍ گرڎ هەنگامېوەنۍ، واتش: "ئېژا ئۆجالانیچ هەمان چېو ماچۆ، بە دەسسەرەرەگېرتەی شارەوانییەکا و گېرتەی ڕۆنامەنوویسا و چەوەسنایۆ ئۆپۆزسیۆنی، ئاشتی و دیموکراسی نمۍ دی. چێوە داوا جە دۊڵەتی و دەسەڵاتی مکەرمۍ، هیواو ئاشتی نەفەوتنا. پەنەوازا هەنگامەی پەنەوازە پەی ئاشتی بنریۆ".