هامسەرۆکۊو گرڎینەو پارتو دیموکراسی و یەکسانی گەلا (دەم پارتی) دماو کۊبیەیۆ حەفتانەو پارتەکەیشەنە جوابو پرسیارەو رۆنامەواناش داوە. تولایە دەربارەو پرسو ئا بانگەوازەی کە وچیۆ ڕابەر ئاپۆ مڎۊش واتش، 'ڕەنگە بانگەوازەکە جە ١٥و شوباتینە نەیاوۆ و گنۆ دماو ئا وادەیۆ.'

تولای حاتەم ئۆغوللاریە سەرنجش وست سەرو سەردای شاندو ئیمراڵیی دەم پارتی پەی پانیشتوو کوردەسانی و واتش: "شاندەکەما چنی ئیدارەو هەرێمو کوردەسانی بڕۍ سەردایۍ و گلېرۊبیۍ ئەنجام مڎۆ. ئەنجامو گلېرۊبیەکایچ میاوییا بە ئېژا ئۆجالانی. بە پاو گریمانەکاما، دلۍ ئی قۆناغێنە بانگەوازیێوە تاریخی پی جۆرە مکریۆ. جە ئیساتێنە جە تورکیانە گرڎ کەسێ جە گرڎ چەمپنەکۊتەکانە پەیام پەی بنیاڎنیای ئاشتی چی وڵاتەنە مڎا. گلېرگە ئامادەن، سیاسەت ئامادەن، ئۆپۆزسیۆن ئامادەن. ڕەنگە ئانەی ئامادە نەبۆ دەسەڵات بۆ. مشۊم پېوەس بە پرۆسەو ئاشتی، دیالۆگ و چارەسەری نەخشەڕاو ۋێشا ئاشکرا بکەرا. مشۊم گۆشەگیری سەرو ئېژا ئۆجالانی لابریۆ. ئۆپراسیۆنەکا ئارۊو دژ بە شارەوانییەکا ئەستەنبوڵی، بڕییەیۆ سزای پەی هامسەرۆکو شارەوانی وانیما، گورزە و کاریگەری نەرێنی چی پرۆسەو دیالۆگی و چارەسەریە مڎۆ. پۊکەی چۍ جارێوەتەر داوا جە دەسەڵاتی و ئاوەزیەتو دۊڵەتی مکەرمۍ. بەرە ڕووەو دیالۆگی و ئاشتینە بکەراوە."