هامسەرۆکەی گردینەو پارتو یەکسانی و دیموکراسیی گەلا (دەم پارتی) تولای حاتیمۆگولارییە چوارچوەو سەردایکەردەیەکاو جەژنەو ڕەمەزانینە لوا هاتای. ئەوەڵو سەردایەکەیشنە سەرێ بنەیانەو وانیار عەلی ئیسماعیل قۆرکمازیش کەرد، کە جەژنەنە کوشیابێ.

ئەداو قۆرکمازی دڵوەشیی وێش جە سەردایەکەینە بەروست و واتش: " چی جەژنێنە تەنیاشا نەکەردیمێ، سوپاسو گردیشا مکەرو، هێز چی یۆگێرتەیە ورگێرو."

تولای حاتیمۆگولارییە سەردایەکەینە جگە جە جەژنەمەبارەکی ئاماژەش پانەیە کەرد: "یانەو بنەیانەو عەلی ئیسماعیل قۆرکمازینە. ماناو مدرامانو گەزی، بە ڕێکوستەی و یۆگێرتەی قەوەتو بنەیانەکاما پەی گردو تورکیای و جیهانیچ ڕۆشن بییۆ، حەرگیز گەشمەرداما ویر نمەبەرمێوە، حیچ وەختێویچ هۆشما نمەشاوە. "

دماتەر حاتیمۆگولاری و شاندی یاوەرش لوێ سەرێ ئەحمەد ئاتاکانیشا دا، کە وەختو چالاکییەکاو گەزی-ینە کوشیابێ. هەرپاسە درێژەو سەردایەکەینە حاتیمۆگولاری سەرێ بنەیانەو هیلال ئاکساکال (مەزڵوم ئاکتاش)یش دا، کە ١٨و ئایارو ٢٠١٥ینە سەرنیشت و وەرکەوتو سوریاینە کۆشیاینە دژو چەتەکاو داعشی گەشمەردە بییەبێ،  ببوو، دمایی لوا سەرێ بنەیانەو ئۆکان پیرینچیش دا، کە جە ئەنجامو هجوومو داعشینە پەی سەرو پرسووسو ڕحای مەردەبێ، سەردایەکاشنە حاتیمۆگولارییە مەبارەکبایی جەژنێش وەنەو بنەیانەکا کەرد.