جمیەروو ژەنە کورڎاو ئەورووپا (تەژەکە-ئە)ی، سەبارەت بە هجوومەکاو دەوڵەتی ئەرەگیروو تورکی دژوو چێرخانەکاو سەرنیشت و وەرکەوتوو سوریای ئەرەیاوناێوەش وەڵا بڵاوکەرڎۊ. بەیاننامەکەنە ئامان:"ئەرڎۊغانی فاشیست دماو حەر شکسێوە وەراوەروو گەلی و گەریلای، هەوڵۍ مدۊ بە هجوومەکاش دۊخی لاوازوو وێش لاو ڕای گردینینە پێچەوانە کەرۊوە، بە پۊتەیرەی شکسەکاش و بەکارئارڎەی قەڵغانی نەتەوەپەرەسی، بەرڎەوام سیاسەتوو وێرانکاری-نکۊڵیکەرڎەی دژوو کورڎا بیاونۊ یاگۍ و هجووم کەرۊ پەی یاگە مەدەنییەکاو وەرنیشتی.

سیاسەتی دووڕووانەو ئەرڎۊغانی فاشیستی، کە ماچۊ پەشتیوانوو گەلوو فەلەستینن و گرد یاگێوەنە واتەی ئانەیە، خەڵکی مەدەنی و زارۊڵا بۊنەو بۊردومانەکاو ئیسرائیوە زەرەرشا پەنە میاوۊ، جارێوە تەر وەرڎەموو گەلوو کوردی و جیهانینە ئی دووەڕوویەتییەشە ئاشکرا بی.

هەرپاسە بەیاننامەکەنە ئاماژە پانەیە کریان، دەسکەوتەکاو کۊشیای دیموکراسیی گەلوو کوردی و دۊسەکاش، کە  وەرنیشتنە بە ڕاوەبەری دیموکراتیک بنیات نریان، گردوو هێزە ئیمپریالیستەکا وەنەش تەرسا و درێژەو قسەکاشنە واتش:"گەریلاکاو ئازادیی کوردستانی، کە بە ماڕای هجووموو چەتەکاو داعشی وەهارشا پەی ئیبسانیەتی ئارد، پێسەو هیزی ئارۊیچ دژوو ئا هێزەیە کە گەرەکشا داعشی زیندە و قەوەت کەرۊوە گوڕ بە کۊشیای مدا و هەنگامە پەی دمای مەنیا."

"پەنەوازا ژەنی گرد یاگێوەنە چالاکیی شەرمەزارکەرڎەی کەرا"

درێژەو ئەرەیاوناکەینە ئامان؛

"پێسە چەنی شۊڕشوو وەرنیشتی پێسە شۊڕشوو ژەنا وینیا و بە مانێوە گەورۍ بە فەلسەفەو ڕابەرایەتیما 'ژەنی، ژیوای، ئازادی'، گەشەش کەرد و گەردوونی بییۊ، پەنەوازا گرد ژەنێوە ئی هجووما پێسە هجوومێوە پەی سەروو وێش بوینۊ. پەی ئینەیچ پەنەوازا گردوو ژەنا حەر یاگێوەنە با، بە کەرڎەی ناڕەزایەتیی دژوو هجوومەکا، مافوو دیموکراتیکییشا بەکار بارا.

شەرمەزاریێوە تارێخیین، کە دەوڵەتوو تورکی هێزوو وێش ە  بێدەنگیی دەوڵەتاو ئەورووپای و ئەمریکای و هێزە میاندەوڵەتییەکا ورگێرۊ و دژوو سەرنیشت و وەرکەوتوو سوریای تاوانوو جەنگی کەرۊ. پەنەوازا گردوو هێزە میاننەتەوەییەکا وەراوەروو ئی هجوومانە هەڵوێستێوە ڕۊشنشا بۊ ڕا پەی دادگاییکەرڎەی ئەرڎۊغانی فاشیست و هامبەشەکاش، کە تاوانوو جەنگی کەرا دەسەبەر کەرا.

ئێمە پێسە ژەنا ئی وەرپەرسییە تارێخییەما ئینا سەروو شانەی؛ بە ئاشکراکەرڎەی هجووم و ئەرەگیرکارییەکاو دەوڵەتی فاشیستوو تورکی کە دژوو ئایین، زوان و ژیوای هامبەش و ئایندەی کەرۊشا، بیمۍ دەنگوو گەلوو وەرنیشتی گرد یاگێوەنە."