تەژەکە-ئە بەیاننامێوە نویسیاش وەڵاکەردۆ و داواش جە گرڎ کەسۍ کەرد دەوروو ڕابەروو گەلوو کوردی عەبدوڵا ئۆجالانیرە کوۍ باوە و دژوو سیاسەتوو دلێنەبەردەی مرداوە.

بەیاننامەکەو ئەژەکە-ئەی پی جۊرەنە:

"دەوڵەتوو تورکی فاشیستی بە سیاسەتوو جەنگی دژوو کوردا، حۊڵمڎۆ گەلێوە تاونۊوە، زیاڎ جە ٣ ساڵان ڕابەر ئاپۆش گۆشەگیر کەردەن و گرڎوو بەهاکا مافوو گەردوونی پاشێل مکەرۆ. لاو کورداوە ئاشکران کە هێزەکاو ئەمریکای، وڵاتاو ناتۆی و وڵاتا ئەوروپی بە بێدەنگیشا پەشگیری ئی سیاسەتەیە مکەرا.

هەڵمەتەو 'ئازاڎیی پەی عەبدوڵا ئۆجالانی، چارەسەری پەی پرسوو کوردی. کە جە ١٠و تشرینی یووەمیوە بە پەشگیریۍ میان نەتەوەی دەسشپنەکەردەن، سیاسەتوو قڕکەردەی و جەنگیش وست ۋەروو چەما. ئانەی کە متاوۆ ئاشتی بەرقەرار بکەرۆ ۋەرکەوتوو دلېڕاسەینە بێگوومان ڕابەر ئاپۆ و کۆنفیدراڵیزمی دیموکراتیکا. ئارۊنە وەڵۍ گردیۆ ڕێکوستەکاو ژەنا جە هەر چوارپارچەو کوردسانی، بە فەلسەفەو 'ژەنۍ، ژیۋای، ئازاڎیی' پەی گرڎوو ڕێکوستەکاو ژەنا جە جیهانەنە بیەن بە هیوا و هێزوو مدرامانوو ژەنۍ، ڕێکوستە بیەی و جەنگش بەروست. پی هێزەو ژەناو کوردی بە کۊشیای ئازاڎیی دژوو داعشی، جە میاچەماو ئاڵتونی تاریخینە ۋێش نویستۆ.

ئارۊنە ژەنی بە ئایدۆلۆژیاو ڕابەر ئاپۆیۆ پەیوەست بە ئازاڎیی، بە جۆشوو هێزی جەوهەری ۋێشۆ جە ٨و ئاداری و ٢١و ئادارینە بەرکەوتۍ. جە هۊرچنیە دلێینەییەکا ٣١و ئادارینە دژوو گرڎ جۆرە نادادیێوە سەرکۊتەیۍ گۊرەش بەدەسئارد و ۋەنێوە تاریخیش بە ئاکەپەی فاشیستی دا. ژەنی گرڎ مەنتیقێوەنە ئانەی دیاری مکەرا کە ژیۋایۍ بێ ڕابەرایەتی قبوڵ مەکەرا.

جە ١٥و نیسانیچەنە پەی ئانەی سی پی تی ویروو ئەرک و ۋەرپرسیاریی ۋێش بارمېوە، بە سەرمەشقایەتی ژەنا، کوردا و دۆسەکاشا ستراسبۆرگەنە کوۍ بیمېوە. چا بوارەنە؛ پەی گلېرۆبیەیما جە دەوروو ڕابەرایەتی و خاوەنداریکەردەی جە قۆناغەکێ و مردایۆ دژوو گرڎ جۆرە ئەرەگیریۍ و سیاسەتەکا دلېنەبەردەی، داوا جە گرڎوو گەلی وڵاتپارێزیما و دۆسەکاما مکەرمۍ پەشتیوانیێوە گەورەما بکەرا."