تەژەکە-ئە یاڎو گوڵستانۍ و هێرۆی و کۊششکارا ئەرەیاۋنای ئازاڎیش بەرزڕاگێرت کە هێزی سلێمانینە جە لایەنو دەوڵەتو تورکی ئەرەگیریوە تیرۆرۍ کریۍ، ئەرەیاۋنایچش: "پا هرووژما نمەتاوا ئەرەیاۋنای ئازاڎی بێدەنگ بکەرا، نمەتاوایچ ئەرەکۊشای ئازاڎیی کورڎی مردنا".
ئەرەیاۋناکەو جمیەرو ژەنا کوردی جە ئەوروپا (تەژەکە-ئە) پی جۆرەنە:
"گوڵستان تارا و هێرۆ بەهادین جە کۊششکارا ئەرەیاۋنای ئازاڎیی کوردی جە ئاکاموو هرووژمو فڕۆکەی بێفڕۆکەوانی دەوڵەتو تورکینە تیرۆرێکریۍ. رژێموو ئاکەپە-مەهەپەی فاشیست سەرو قڕکەردەی گەلوو کوردی و ژەنا کورڎی سیاسەت ڕاوەبەر مکەرۆ. ئا هرووژمە نامەردانەو رژێمی فاشیستی شەرمەزار مکەرمۍ و سەرەوەشی جە کۊششکارا ئەرەیاۋنای ئازاڎیی، بنەیانەکەیشا و گەلەکەیما مکەرمۍ. قەولوو بە زیڼەیی راگێرتەی ئاوات و خیاڵو ژیۋای ئازاڎی بە گوڵستان تارۍ و هێرۆ بەهادینی مڎەیمۍ. ئا هرووژمە نمەتاوۆ ئەرەیاۋنای ئازاڎیی بێدەنگ بکەرۆ، نمەتاوۆ ئەرەکۊشای ئازاڎیی کوردی مردنۆ.
تەژەکە-ئە داوا جە گرڎوو ژەنا، گەلی و رای گرڎیی دیموکراتیکی مکەرۆ کە دژوو خیانەتی و قڕکەردەی هەڵوێس گێرانە ۋەر و بەشداری چا چالاکیانە بکەرا کە بە سەرمەشقایەتی تەژەکە-ئەی سازۍ مکریا.
