تەژەکە-ئە کەمپەینوو "هەزار ژەنێ یەک دەنگ"ێش دەس پەنە کەرد
تەڤگەرو ژەناو کوردو ئەورووپا (تەژەکە-ئە)، چوارچوەو هەڵمەتەو"ئازادیی پەی ڕابەروگەلوکوردی عەبدوڵا ئۆجالانی، چارەسەری پەی پەرسەو کوردی" کەمپەینو "هەزار ژەنێ یەکدەنگ"ێش دەس پەنە کەرد.
(تەژەکە-ئە) چوارچوەو هەڵمەتەو "ئازادیی پەی ڕابەرو گەلو کوردی عەبدوڵا ئۆجالانی، چارەسەری پەی پەرسەو کوردی" کەمپەینێوی تازەش دەس پەنە کەرد.
جە کەمپەینو "هەزار ژەنێ، یەکدەنگێ" ئامانج ئانەن دەنگو ژەنا چاند و گەلی جیاوە دژو سیستمو قڕکەردەی ئیمراڵی کوێ باوە.
تەژەکە-ئە ئەرەیاوناش دماو یاوای بە هەزار ژەنا دمایی بە کەمپەینەکەی مارمێ، ژەنی جە یاگە جیاوازەکاو جیهانیوە، وەرکەوتو دلێڕاسەیۆ تا ئەفریقا و ئاسیا و ئەورووپا ئیساتێوە بەشدارێ کەمپەینەکەی بیێنێ.
ژەنی جە جوگرافیا و نەتەوە و گرووپی زوانی جیاوازۆ متاوا بە زوانو وێشا ڤیدیۆی کوڵ بکیانا و بەشدارێ کەمپەینەکەی بانێ.
تەژەکە-ئە ئەرەمیاونۆش یۆگێرتەی چەنی ڕابەرو گەلوکوردی عەبدوڵا ئۆجالانی مکریۆ جە ڕاو "شیعرا و ورپڕای و واچەی و گۆرانییاوە" بۆ.
ژەنی جە وەڵاتە جیاوازەکاوە پەیامو وێشا پەی کەمپەینەکەی مکیانانێ و داواو ئازادیی ڕابەرو گەلو کوردی عەبدوڵا ئۆجالانی مکەرانێ.
