گەریلاکاو یەژاستاری پیلانگێڵنی ١٥و شوباتوو سەروو ڕابەروو گەلوو کوردی عەبدوڵا ئۆجالانیشا شەرمەزارکەرد و واتشا: "جوابی بەقوەتوو پیلانگێڵنی، بە ۋەرفراوانکەردەی کۊشیایمانە جە گرڎوو مېڎانەکانە".
جە بارەو پیلانگێڵنیی سەروو ڕابەروو گەلوو کوردی عەبدوڵا ئۆجالانیوە، گەریلاکاو یەژا ستاری پۍ ئاژانسوو هەواڵوو فورات ی(ANF) قسێشا کەردۍ.
گەریلاو یەژا ستاری دێرینە: "دەوڵەتوو تورکی بە تنکەردەی گۆشەگیری، ئانەی بەروزۆ کە چن تەرسیش جە ڕامانەکا ڕابەر ئاپۆی هەنە. حەرچنە ڕابەرایەتیشا گێرتەن، بەڵام درکشا پانەی کەردەن، کۊشیای ڕابەرایەتی جە دژوو هێزە میان نەتەوەییەکا لاواز مەبۆ. هێزی میان نەتەوەی گەرەکشا بۍ بە گێرتەی ڕابەرایەتی، ڕا جە وەڵا بیەیۆ فکرەکاش گێرا. بەڵام سەرەڕاو ئەنجامدای پیلانگێڵنی، نەتاواشا ئا مەرامەشا دەسگنۆ. ڕابەرایەتی بە کۊشیاو ۋێش ، مەرامەکۍ پیلانگێڵنیش پوچۍ کەردۍ و ئارۆ جە تەماموو مېڎانەکانە کەمپینوو ئازاڎیی جەسڎەیی ڕابەرایەتیی ملۊڕاوە.
مشۊم گرڎ کەسۍ ئا حەقەتینەیە بزانۆ کە ڕابەرما ئازاڎا و جوابی گۊرە و کاریگەرش دژوو پیلانگێڵنی، ۋەرفراوانکەردەی کۊشیاین جە گرڎوو مېڎانەکانە. دەوڵەتوو ئەرەگیری حەرچنڎە هجوم کەرۆ، بەڵام سەرمەگنۆ. ۋەروو ئینەینە گرڎ کەسۍ شکسەکا دەوڵەتوو تورکی جە ۋەران ۋەروو تەڤگەری ئازاڎیی و ڕابەرایەتیمانە موینا. حەر بە مەڵامەتوو ئینەیچا مەتاوا ڕا جە وەڵابیەیۆ ئایدۆلۆژیاو ڕابەرایەتی گێرۆ، ۋەروو ئانەی ئایدۆلۆژیاو ڕابەرایەتی جە گرڎوو جەهانینە وەڵا بیەنۆ. فەلسەفەو ڕابەرایەتی ڕۆشنکەرەوەو گرڎوو جەهانیا و ڕا جە تاریکی گێرۆ، حەر ۋەروو ئینەیچا ماچمۍ؛ ڕابەرایەتی پۍ ئێمە پېسەنە وەرەتاوی و ڕاما ڕۆشن کەرۊوە و ڕاو ڕاسیما نیشانە مڎۆ. بە مدرامان و جەنگوو مەڕەکاما ئازاڎیی جەسڎەیی ڕابەر ئاپۆی دەس وزمۍ و سەرۍ گنمۍ".
گەریلاو یەژا ستاری سەما بروسکە: گەرەکشابۍ جە کەسایەتی ڕابەر ئاپۆینە، دمایی بە گەلوو کوردی بارا، بەڵام ڕابەر ئاپۆ ئی مەرامە گڵیاوەشە شکسپنە ئارد و دلۍ ئا ئاژە ترسناکەینە کۊشیایش بە قوەتتەر کەرد. دەوڵەتوو تورکی بە هجومەکاش پاسە خیاڵ کەرۆ کە کۊشیای گەریلای بێکاریگەر کەرۆ. بەڵام هۊشش شیەن ئانۍ کە پۍ حورمەتی کۊشیانە و جەنگ کەرا گەریلاکۍ ئازاڎینۍ. بە کارئارڎەو چەکی قەڎەغەکریای جە ۋەران ۋەروو هەرێمەکاو پارێزنای مەدیاینە، ئەرەبڕیا نیا جە پیلانگێڵنیی میان نەتەوەیی. بەڵام ئانەی سەرگنۆ خەتەو ئازاڎیینە. دەوڵەتوو تورکی ئەجۊشەنە بەبەکارئاردەی چەکی قەڎەغەکریای و کیمیاۋیی دمایی بە گەریلای مارۆ. بەڵام چەک و هجومەکێش کاریگەری سەروو ئیراڎەو گەریلای مەکەرۆ کە سەروو ڕاو هامڕا ڤیانۍ، سارا، ڕوکەنۍ، ئەرداڵی و ڕۆژهاتی کۊشیانە. پا هێزەی کە جە فەلسەفەو ڕابەر ئاپۆیۆ هورما گێرتەن، کۊشیەیمۍ و کوردسانی ئازاڎ کەرمۍ".
گەریلاو یەژا ستاری خوێندا کۆبانێ:دەرفەتوو کۊشیایما جە سایەو خەباتوو ڕابەر ئاپۆیۆن. فکروو ڕابەر ئاپۆی جە جەهانەنە وەڵا بیەنۆ. گەلاو ۋەرکەوتوو دلېڕاسەی، درکشا پا حەقەتینەیە کەردەن کە متاوا سەروو بنەماو پارادایموو ڕابەرایەتی ژیۋایۍ ئازاڎ و دیموکراتیک ئاوا کەرا. ۋەروو ئینەی جە وەختوو ئەنجامدای پیلانگێڵنینە گرڎوو گەلی و گەریلای دلۍ مېڎانوو مدرامانینە بێنۍ. بەتایبەتی ئا هامڕێما کە دەوروو ڕابەر ئاپۆیۆ بێنۍ، بیۍ بە خەرمانێوە جە ئاێری، فەلسەفە و ڕۊشنای ڕابەریشا وەڵاکەردۆ. یووە چا فەرماندا کە بە هەڵوێست و چالاکیە کاریگەرییەکەیش بیە بە جوابدەرۆ ، هەڤاڵ ڤیان سۆران-ە بۍ. پېسە گەریلاکا یەژا ستاری سەروو ڕاو هەڤاڵ ڤیانێوە کۆشیەیمۍ.
گەریلاو یەژا ستاری هەڵبەست ڕۆژئاڤا: پیلانگێڵنی دەوڵەتا مەسڵەحەتوازی جە دژوو ڕابەرایەتیی شەرمەزار کەرمۍ. ڕابەرایەتی جە ڕوو جەسڎەییەوە گیریان بەڵام جە ڕوو فکر و فەلسەفەیۆ ئازاڎا، ڕامانەکۍ ڕابەر ئاپۆی نەک تەنیا کوردسانەنە بەڵکم جە گرڎوو جەهانینە وەڵۍ بیێنۍ. ڕابەر ئاپۆ زینڎانوو ئیمراڵیش فاڕا پۍ وەننگەی و فکر و فەلسەفەو ۋێش حێقمتەر کەرد. ئەرک و ۋەرپرسیاری ئێمەن کە فکر و فەلسەفەو ڕابەرایەتی وەڵاکەرمێوە. ۋەرپرسیاری گەلین کە فرە بەقوەتتەر ۋێش بەروزۆ. ئازاڎیی گەلوو کوردی و گرڎوو گەلا چەوەسیای، بە ئازاڎیی جەسڎەیی ڕابەر ئاپۆیۆ بەسیانۆ.
