ڤیستیڤاڵ و میتانی شانۆیی بە دروشمەو "گێڵایۆ نزیکا، ئێمە بە هومێڎېنمۍ" ڕۊو یەکشەممەی ١٠و ڕابڕانی جە شەهبانە لوواڕاوە. ئی ڤیستیڤاڵە پۍ یووەم جاری جە ساڵەو ٢٠١٤ ینە جە عەفرین نمایش کریا و دماتەر هەر جە عەفرینەنە ٣ جارێتەر نمایشکریاوە. بەڵام ٥ ەمین ڤیستیڤاڵ و میتانی جە شەهبانە نمایش کریۆ. چی ڤیستیڤاڵەنە ٧ شانۆیۍ جە ماوەو ٨ ڕووانە نمایس کریا. چنڎین شانۆکارۍ جە بەروو هەرێمەکەیۆ ئامېنۍ و هەرمانە شانۆییەکاو ۋێشا ئەنجام مڎا.

ڕۊو یەکشەممەی بە ئاماڎەبیەی گەلی، ئەنداماو ئەرەمەرزیاکا، جەمۍ مێمانۍ جە کانتۆنوو جزیرە، فوراتی و ڕەقەی و حەرپاسە جە کەرکوکوو پانیستوو کوردسانیوە ئاماڎۍ ڤیستیڤاڵەکەی بێنۍ و شانۆیی 'تیرێژ'و بەرئاوەری محێدین ئەرسەلانی نمایشکریا.

ئاخێزی هونەری

بەرئاوەر و شانۆکارو عەفرینی محێدین ئەرسەلان باسش جە لووای ڕاوەو ڤیستیڤاڵەکەی و ئامانج و ئەنجامدای ڤیستیڤاڵەکەی کەرد ئاماژەش پانەی کەرد ئەنجامدای ڤیستیڤاڵێوە پی جۊرەیە جە ئاژەو جەنگینە فرە گرنگا و واتش: "ئارۆ جە پەنجەمین ڤیستیڤاڵوو میتانینە، چنی خەڵکی پېوەرە مژیومۍ. جە ئاژێوە دژوار و چێروو جەنگی و ئەرەگیری و فشارێوە فرەینە، ئەنجامدای ئی ڤیستیڤاڵە هونەرییە بە ماناو 'ئاخێزۍ هونەریی' مۍ. هەرێموو شەهبای جە هەرچوار لاوە تەوقەدریان، کەچی گروپە شانۆیەکۍ ڕەقە، تەبقە،کۆبانێ، حەسەکەی و حەرپاسە جە کەرکوکوو پانیشتوو کوردسانیوە ئامېنۍ و هەرمانە شانۆییەکا ۋېشا پێشکەش کەرا، ئامانج چینەیچە پۍ ئاشناکەردەی کلتور و هونەرو یۊترینین بە یۊی.

حەرپاسە ئەرسەلان کە بە شانۆیی تیرێژی بە شداری ڤیستیڤاڵەکەیش کەردەن باسش جە شانۆیکەیش کەرد و واتش: "شانۆیی تیرێژی مدرامانوو ژەنۍ ۋەران ۋەر بە سیستموو دەسەڵاڎداری بەروزۆ، جە وەختوو مدرامانوو زینڎانەکانە. چی شانۆیەنە باس جە ئەرەگیریەکا سەروو گرڎوو پارچەکا کوردسانی کەرمۍ، مزانمۍ کە گرڎوو ئا دەسەڵاڎدارا کە کوردسانشا ئەرەگیرکەردەن مەبەسشانە کە کولتور و هونەریما قڕبکەرا، جە ۋەران ۋەروو ئانەینە گەلوو کوردی مدرامەن کەرۆ. ئی ڤیستیڤاڵەیچە بەشێوەن چا مدرامانەیە".