ڤییەناو پایتەختوو نەمساینە عەلەویەکۍ ڕۊچۍ یەرە ڕووەو خزریشا گێرتە، بە مەراسیموو جەمی کە جە تەرەفوو فەدایۆ رێکوزیابۍ، دمایشا بە ڕۊچەکێشا ئارد. پیر حسێن ئەرەیاۋناش: "مشۊم جە دژوو ستەمی گرڎ بیمۍ بە خزر ".
مانگەو خزری جە نیمەو مانگەو کانوونوو دووەمیوە دەسپنەکەرۆ و تا نیمەو مانگەو شوباتی بەردەواما. چا ماوەنە عەلەویەکۍ ڕۊچۍ خزری پۍ ماوەو ٣ ڕووا و بە گرڎیی جە حەفتەو دووەم و مانگەو شوباتینە پیرۆز کەرا. پی بۆنۆ ڤییەناو پایتەختوو نەمساینە عەلەویەکۍ جە شەوێنە کوۍ بیێوە و مەراسیموو جەمیشا سازکەرد.
مەراسیمەکە جە تەرەفوو فیدراسیۆنوو دیموکراتیکی عەلەویەکا (فەدا)یۆ جە ڤییەنانە سازکریا. ژمارێوە فرە جە عەلەویەکا بەشداریشا جە مەراسیمەکەنە کەرد، کە جە تەرەفوو پیر حسێنیوە لوواڕاوە.
پیر حسێن دماو هۊرگێرتەی رەزامەنڎیی گرڎ لێوە دەسش بە مەراسیموو جەمی کەرد و جە قسەکاشەنە واتش، " خزر وێنە و نمونەو لایەنگرین جە ستەم ۋنەکریایا، یاردەی گرڎوو ئانیشا مڎۆ کە گنانۍ تەنگوچەڵەمۆ. ئانڎەی خزری جە ناختەنە هەست پنەکەری، ئاڎ هامکاریت کەرۆ. خزر نەک هەر کەسێوە ریش چەرمەن، هێزوو ناخیتا و هەستا. خزر گرڎ کەسێن، خزر تۊنی. ئێمە گردما ستەموو حکومەتی مزانمۍ. حۊڵ مڎریۆ کە ئایین، بڕوا، کولتور، بیەی و جەوهەرما دلێنەبریۆ. مشۊم گرڎ بیدۍ بە خزروو گرڎ کەسۍ".
دماو دوعاو و پەرسشی مەراسیموو جەمی دمایش پنەئاما.
