زانا ئامەڎ ئەشناسېا بە (فەلات سەیفەدین حسێن) ساڵەو ٢٠٢١ی ھەرێمەکاو پارێزناو مەدیاینە گەشمەرڎە بی. جە شارو ڤېیەنناو پایتەختو نەمساینە بە ڕێکوستەو چالاکېێۋە یاڎو گەشمەرڎە زانای کریاۋە.

دەیان کەسۍ بەشڎاری یاڎەکەیشا کەرڎو یاڎەکە بە دەیەقێۋە ڕێزگێرتەی جە یاڎو گەشمەرڎاو کورڎسانی دەسشپنەکەرڎ.

"ئاگری کۊبانۍ" ئەنڎامو تەژەکە-ئ، یاڎەکەنە ۋاتش،"گەلو کورڎی جە ۋڵاتە ئەرەگېرکریاکەشانە گرڎ ڕوۋۍ گەشمەرڎەی پێسە گەشمەرڎە زانا ئامەڎی پۍ ئازاڎی بەخشانۍ بە ۋڵاتی و ئەشناسنامێۋە ئازاڎ داواو گۊرەکەرڎەو ئەرەکۊشایش کەرڎ".

ئېدریس ئامەڎ، لالۊو گەشمەرڎە زانا ئامەڎیی یاڎەکەنە ۋاتش؛" زانا پێسە نامەکۍ ۋێش جۋانێۋە زانابۍ، پۍ کورڎسانۍ ئازاڎی و گەلۍ ئازاڎیی لوۋا پۍ جەنگی و گەشمەرڎە بی.

ھ.ش