٤و نیسانو ١٩٤٨ی جە دەگاو ئاماراو سەرنیشتۇ کوردسانی هیواو ڕابەر و گلېرگەو کوردی جە ئەڎۍ بۆ. جە ئەیەڎابیەو ڕابەر ئاپۆی بە مەعناو واوەی جە ئەیەڎابیەو کولتوور و خواوەندو ژەنۍ مێ جە خاکو زاگرۆسینە. ئی ڕووە مووبارەکە بە مەعناو و جارێوتەر سەر ڕاسکەردەیۆ لاسەنگییەکا ژیۋای مێ. سەرەتاو مانگەو نیسانی کە کەرۆنە سەرو ساڵەو گلېرگەو کوردی و ئاشوورییەکا و هاموەختیچا چنی جەژنە و چوار شەممە سوورۇ ئێزیدیەکا و ڕاو جە بەین شییەو دەسەڵاتە دکتاتۆرەکەو ڕژېم و بەعسی هەرپاسە ساڵیاڎۇ ئەرەمەزناو پژاکیجا. ڕابەر ئاپۆ هەر کۆششکەردێوەش پێناو ئازادی و دەس وستەو مافو گلیرگەکەیش پیسەو جە ئەڎابیەی ورسەنگنان. چی بارۆ ماچۆ :"پېسەو هەر ئینسانێوە ئاسایی قۆناغو جە ئەڎابییەیم جە ئەڎابیېوە جەستەی بییەن، دووەم جە ئەڎابییەیم بنیاڎنیاو جمیەروو ئازاڎیی وازو پەکەکەین، یەرەم جە ئەڎابییەیچم بەرپاکەردەو ئاخیزېوە زیهنین جە چوار چێوەو سیسەمو نەتەوەو دیموکراتینە.

ڕابەر ئاپۆ چنی جە ئەڎابیەو وېش واوەی ژیۋایش کەردۆ گلیرگەو کوردیرە. مەبەستما جە موبارەک کەردەو ڕۆ جە ئەڎابییەو ڕابەر ئاپۆی پەیوەندیدارا بە ئەڎابییەو دوونیابینیېوە تازەیۆ، پێناو ژیۋایۍ ماناڎاری و ئازاڎیینە. چنی بەرکەوتەو ئی ڕابەرەیە گلېرگەو کوردی کە جە قەراغ"لێوار"و وڕای و جە بەین شییەی تەمامینەبۍ جارېوتەر ژیواوە و باوڕیش پەی گێڵاوە. ڕابەر ئاپۆ پەی زیاتەر جە ٥٠ ساڵا ملۆ تەمامو ژیۋای وېش تەرخان کەردەن پەی ڕزگاری گلېرگەو ویشو ئاواکەردەو سیسەمێوە ئەخلاقی و سیاسی تا جارېتەر مانا دۆوە بە ژیۋای ئینسانیەتی. هەر جە تەمەنێوە کەمو زاوڵەیشەنە ڕوو وە ڕوو ئا ئاژە نالەبارەیە بۆوە کە نەتەوەکەش وزیان دلېش. سەرەتاو لواو وانینگەیش پەی ماوەو ٦ ساڵا بە تەنیا پەی دەگێوەتەری و نەبییەو وانینگەی جە دەگاکێشەنە هاموەخت ڕاگېرتەی چانەی کە بە زۋانۇ ئەڎۍ وانۆنە، ناکۆکیو ڕوانینەکېش تامێ فراوانۍ بانەو کریۆ دروسبییەو کەسایەتی ڕابەر ئاپۆی گیڵنمېوە پەی ئی قۆناخەو ژیۋایش، بە مەڵامەتو ئانەی کە درک بە ئاژێوە نا ئاسایی کەرۆنە و هەست بە نەبییەو ماف و ئازاڎیی گلېرگەکەیش کەرۆ. ئی وشیاریە جە تەمەنێوە کەمەنە کریۆ پېسەو چرکەساتو گەڵاڵەبییەو زانای و پەیپەنە بەردەو کیشەکا بۆ. پۆکەی بە دریژای تەمەنو سیاسی و ڕابەرایەتی وېش ڕابەر ئاپۆ خیانەتش نەکەردەن جە باوڕی و زانایی وېش و هەر پۆکای جە تەمەن و ٧٠ ساڵیشەنە ماچۆ من زاوڵێوە ٧٠ ساڵانەنا. پی ڕۆحیەتەیۆ گنۆ دلۍ دنیاو سیاسەتی و هەر جە ئەرە مەزناو گروپو ئاپۆچییەکاوە تا بە ئەرە مەزناو پەکەکەی و ئاواکەردەو ئەرتەشو ژەناو پاگیریش پەی ئازاڎیی ژەنا جە تەمامو لایەنەکا ژیانیۆ پەی ئی خاڵۍ گێڵۆوە. کۆشیاو ڕابەر ئاپۆی پەی ژیۋایۍ ئازاڎیی جە چوارچێوەو سیسەمو نەتەوەو دیموکراتینە بییەن بە یاگۍ هیواو هومێڎیی پەی گلېرگەو ئارۆی. مەڵامەتو ڕەوشوو ڕابەر ئاپۆی پەی ئی لایەنەیە گێڵۆوە. ئارۆنە سیسەمو ناتۆی جە بەرگو فاشیزم و دەوڵەتو ئەرەگیرو تورکینە دووژمنایەتی وېش جە وەرانوەرو گلېرگەو کوردی و هەر ئینسانێوە ئازاڎیوازینە نیشاندان. سیسەمو زینڎانو ئیمڕاڵی جە ڕاسینە زینڎانو سیسەمو ناتۆین. زیاتەر جە ٣ ساڵان ڕابەر ئاپۆ و هەڤاڵەکېش هیچ ئەرەیاونێوەشا جەبارۆ نییەن، ئینەیج بییەن بە مەڵامەت و نیگەرانی گلیرگەو کوردی تەمامو ئازاڎیی وازا دنیۍ. سیسەمو ناتۆی بە چەمساغی فاشیزم و ئەکەپە و مەهەپەی جە کەسایەتی ڕابەر ئاپۆینە گەرەکشانە گلێرگەو کوردی جەبەین بەرانۍ کە وەڵینگەو ئی گلیرگەیە گێڵۆوە بە فرەتەر جە ٢٠هەزار ساڵا. فکرو فەلسەفەو ڕابەر ئاپۆی جە دووۍ گۆشاوە سەرقاڵو ئاواکەردەو گلێرگێوە ئازاڎی و دیموکراسین: یەکەم: ڕێکوزیاو تەمامو ژیۋای گلېرگەی بە شێوێوە ئازاڎانە جە تەوەرەو کەسایەتی ژەنۍ ئازاڎینە. دووەم: جەڕاو ئاواکەردەو هێزو ئەرتەشینە پیناو ئانەینە کە بۆ بە هێزو بەرگری ڕەوای جە گلیرگەی. پۆکەی ڕۆ ٤و نیسانی پەی گلېرگەو کوردی و هەر کەسایەتیېوە ئازاڎییوازی بە مەعناو جە ئەڎابیەو ئازاڎیی و ژیۋایۆی مۍ.