پەرلەمانتارو دەمپارتی جە بازنەو وانی مەحمود دیندار و هامسەرۆکو لقو وانی توهای دەر چەتین ئویەر داواشا جە گرڎو ئاشتیوازا کەرد کە ١٣و تشرینو یووەمی بەشداری جە گلێرۆبیەو ئامەدینە بکەرا.

دژوو گۆشەگیری دژوارو سەرو رابەرو گەلوو کوردی عەبدوڵا ئۆجالانی، قەرارا ١٣و تشرینو یووەمی ئامەدەنە گلېرۆبیەیۍ گۆرە سازبکریۆ. تەسەور مکریۆ بەشێوێوە فراوان ملیۆنان کەسۍ کوۍ باوە. هەرپاسە مەزنڎە مکریۆ جە وان_یچۆ ژمارێوە فرە خەڵک بەشدارۍ با.

سەبارەت پا مژاریە پەرلەمانتار مەحمود دیندار بە ئاژانسەکەیماش ئەرەیاۋنا، "پەی چارەسەری پەرسو کوردی و هۆرگێرتەی گۆشەگیری سەرو بەڕێز عەبدوڵا ئۆجالانی ئێمە داوا جە گەلەکەیما مکەرمۍ کە ١٣و تشرینو یووەمی بەشداری جە گلێرۆبیە گۆرەکەینە بکەرا.شان بە شانو یۆترینی پەی ئازادی گەلەکەیما دەنگما هۆربڕمۍ. ئازادی ئێژا ئۆجالانی ئازادیی گەلامانە".

لاو ۋێچشۆ هامسەرۆکو لقو وانو توهای- دەری چەتین ئویاریش واتش، "٤٣ مانگێن نمەتاومۍ زانیاریما جە ئێژا عەبدوڵا ئۆجالانیۆ دەسگنۆ. هامکات ئەشکەنجەدای جە زیڼانەکانە پەی بەرزتەرین ئاستی بەرزبیەنۆ. گرڎ جۆرە ئەشکەنجێوە بە تایبەتی ئەشکەنجە و فشاری دەرونی جە زیڼانەکانە بەکاربریۆ. جە ٩و تشرینو یووەمینە ڕاپیمای و ئەرەیاۋنێوەما بۆنە. ئاماڎەکارییەکۍ وانەنە پەی گلېرۆبیەی گۆرەو ئامەدی کە ١٣و مانگۍ ملۆڕاوە بەردەواما. چا بارۆ سەفەربەریما ئەرەیاۋنابۍ و ئێمە دەنگو ۋێما بەرزمکەرمێوە. جە وانۆ بە گەل و دۆساماوە، ۋێما میاونمۍ پا ملیۆنان ئینسانیە کە چا کوۍ باوە. داوا جە گرڎ لێوە مکەرمۍ کە ئامەدەنە کوۍ باوە".