فەرهاد شامی، واتەواچو ئەرەیاۋنای قەسەدەی، قسەکۍ شالیارو وەرگیری تورکیایش وستۆ درووۍ کە واتەبێش "بەنداوو تشرینی بە تەمامی ئینا چێرو کۆنترۆڵو چەتەکا سوپاو نەتەوەیی سوریاینە" و ئەرەیاۋناش؛ "ئێمە ئینایمۍ چۍ و چێیچ بیمۍ."
فەرهاد شامی واتەواچو ئەرەیاۋنای هێزەکاو سوریای دیموکراتیکی، ئەرەیاۋناو شالیارو وەرگیری تورکیایش وستۆ دروۍ کە واتەبێش بەنداوو تشرینی ئینا چێرو کۆنترۆڵو چەتەکا سوپاو نەتەوەیی سوریاینە.
فەرهاد شامی جە بارەو بەنداوو تشرینی و پرۆسەو جەنگی جە هەرێمەکەنە هۊرسەنگنا.
هۊرسەنگنایەکەو فەرهاد شامی ئینەن:
"ئارۆ ٢٦و کانوونو یووەمو ٢٠٢٤ سەعات ١٧:٢٠. دەیەقێن ئێمە ئیسە ئینایمۍ بەنداوو تیشرینینە. پېسە مزانیۆ دۆڵەتو ئەرەگیرو تورکیای جە ڕاو شالیارو وەرگیریۆ بانگەشەو ئانەیش کەردەن کە بەنداوو تشرینی ئینا چێرو کۆنترۆڵو چەتە ئەرەگیرەکانە. بەڵام پېسە مویندۍ ئێمە و هەڤاڵاما چۍ قسەکاشا وزمۍ درووۍ.
دۆڵەتو ئەرەگیرو تورکی کە ماوێوە فرەن هەوڵو قڕکەردەی گەلو ناوچەکەی مڎۆ، بە هرووژمەکاش پەی سەرو بەنداوەکەی و دەگایەکا دەوروبەریش درێژە بە کۆمکوژییەکا مڎۆ. ماوەو ٢٠ ڕووان جەنگەوانا هێزەکاو قەسەدەی بە گرڎو یەکینەکاوە مڎرامان مکەرا. جەنگەوانا یەپەگەی، یەپەژە، قەسەدە مەڵامەتو سەرکەوتەی گەلەکەیمانۍ جە دژو ئەرەگیریەکا. پېسە موینمۍ ئی بەنداوە بە تەمامی ئینا دەسو هێزەکاو قەسەدەینە. جەنگەکە ئینا دەوروبەرو دەگاو ئەبو قەلقلینە جە سەرنیشتوو بەنداوەکەینە.
ئینە جەنگا جەنگو بەنداوی نییا، بەڵکم جەنگو بیەیا. دۆڵەتو ئەرەگیرو تورکی پا قسا هەوڵو بەرزکەردەیۆ ورەو چەتەکاش مڎۆ. جە ماوەو مڎرامانو ٢٠ ڕووانە نزیکەو ٤٥٠ چەتۍ کوشیێنۍ و بەدەیان چەتێچ زامڎارۍ بیێنۍ و بەشێوە فرە جە ترۆمبێلە سەروازییەکاشا بەدەسو جەنگەوانا دلێنەبریێنۍ. ئێمە ئینایمۍ چۍ و چێیچ مەنمێوە. هەرپاسە هەڤاڵەکێما ئینۍ چۍ وەرەنگارۍ بیمێوە و گورزەی قورسە جە ئەرەگیرا شانا و بەڕۆحێوە فیداکارانۆ پارێزنای گەلی و خاکەکەیشا دەکەن."
