بە سەرمەشقایەتی تەڤگەرو ژەنا ئازادی (تەژەئا)ی، پارتو هەرێمە دیموکراتیکەکا (دەبەپە)ی و پارتو یەکسانی و دیموکراسی گەلا (دەم پارتی) جە ناوچەو ڕحای جە دژو هرووژمە ئەرەگیریەکا دۊڵەتو تورکی و چەتەکاش دژو هەرێمەکاو سەرنیشت و ۋەرکۊتوو سووریای چالاکی ئێشکگیریی ڕێکوزیا. جە چالاکییەکەنە پەڕلەمانتاراو دەم پارتی، ئەنجومەنو ئەڎایا ئاشتی ڕحای، هامسەرۆکو شارەوانی ناوچەو ڕحای، سەڎان کەسۍ بەشدارۍ ئێشکگرییەکەی بێنۍ.

جە چالاکییەکەنە لافیتۍ "ۋەرنیشت هێڵەی سوورەمانە" و "ۋەرنیشت شۆڕشو ژەنی ژیۋای ئازادییا بەدڵنیاییوە سەرگنۆ" بەرزۍ کریێوە.

دماتەر پەڕلەمانتارو دەم پارتی عومەر ئۆجالان قسێش کەردۍ و بە ئاماژەدای بە مڎرامانوو کۆبانێ جەختش چانەی کەرڎۆ کورد ئینا ئەوەکۊشای مەرامو سەرکۊتەی ۋێشانە و واتش: "مشۊم گرڎ کەسۍ پەشتیوانو ۋەرنیشتی بۆ، گەلاو ۋەرنیشتی پەی ژیۋای ئازادی قوربانی گۊرەشا دان. جە ئیساتێنە دەسەڵات و تورکیای جە دژو ۋەرنیشتی ڕێبازێوە دژمنکارانە ڕاوەبەر مکەرۆ. سەرەڕاو گرڎو هرووژمەکا، کورد درێژە بە مڎرامانوو ۋێش مڎۆ."

'موخاتەبو کوردا ئېژا ئۆجالانا'

جە بەردەوامیینە عمر ئۆجالان دەسنیشانش کەرڎ پەی ستاتۆو ۋێشا کورد کۊششی دیبلۆماسی ۋێش ڕاوەبەر مکەرۆ و واتش: "حەرچی وچیۆ گرنگ نییا، پەی پېکئاوردەو ئاشتی جە کۊششو ۋێما بەردەوامێنمۍ. موخاتەبو گەلوو کوردی ئېژا ئۆجالانا، پەی ئینەیچ جە ئیمراڵییوە جە کۊششی بەردەواما. ئینایمۍ چنی فەلسەفەو ئېژا ئۆجالانی. ویستما ئاشتی هەمیشەییا و جە دژو مجیای ونێنمۍ. ئینایمۍ چۍ و جە کۊششیما پەی ئازادی کوردا بەردەوامێنمۍ."

چالاکییەکە بە واتەیۆ درووشمۊو "بژیۋۆ مڎرامانوو ۋەرنیشتی" دمایش ئاما.